प्रभु क्यापिटलद्वारा चिकित्सकलाई प्रशिक्षण

काठमाडौं । प्रभु क्यापिटल लिमिटेडले ललितपुरमा मेडिकल चिकित्सकलाई प्रशिक्षण दिएको छ । क्यापिटलले चिकित्सकलाई एक दिने सेयर बजारमा लगानीसम्बन्धी तालिम दिएको हो । कार्यक्रम रिभाइभ लिजर पार्क, महालक्ष्मीस्थान, ललितपुरमा २०८० असार १३ गते सम्पन्न भएको कम्पनीले जनाएको छ ।

व्यस्तताका कारण चिकित्सकहरूले सेयर बजारमा लगानी गरी अधिकतम लाभ पाउन सकिने भएकाले कार्यक्रम आयोजना गरिएको क्यापिटलले जनाएकोे छ । तालिममा प्रभु क्यापिटल लिमिटेडका प्रमुख लगानी अधिकृत दुर्गानन्द झाले प्रशिक्षण दिएका थिए । कार्यक्रममा ३० जनाभन्दा बढी चिकित्सकहरूको सहभागिता थियो । व्यस्त समय तथा सेयर बजारसम्बन्धी पर्याप्त ज्ञान नभएकाकारण चिकित्सकहरूले प्रभु क्यापिटल लिमिटेडको सेयर बजारको सचेतना तथा लगानीका विभिन्न विकल्पहरूको विषयमा कार्यक्रम प्रभावकारी भएकोे चिकित्सकहरूले बताएका थिए ।

सेयर लगानीमा सचेतना अभिवृद्धिका लागि प्रभु क्यापिटलले सेयरबजारसँग सम्बन्धित विविध वर्कसप तथा तालिम कार्यक्रम समयसमयमा सञ्चालन गर्दै आइरहेको छ ।