उद्यमशीलताको विकासका लागि साझेदारी

काठमाडौं । आइडिया स्टुडियो नेपाल र लायन्स क्लब अन्तर्राष्ट्रिय जिल्ला ३२५ बीच उद्यमशीलता विकासको सम्बन्धमा साझेदारी भएको छ । लायन्स क्लब जिल्ला ३२५ ले आइडिया स्टुडियो नेपालसँग रणनीतिक साझेदारी गरेको हो । लायन्सले अवसरबाट बञ्चित व्यक्तिलाई ऊद्यमशील बनाउन साहसिक स्टार्टअप कोषको निर्माण गरेको छ ।

सहकार्यको उद्देश्य उद्यमशीलतालाई प्रवर्द्धन गर्नु रहेको बताइएको छ । साहसिक स्टार्टअप कोषका लागि आइडिया स्टुडियो नेपालले विभिन्न विषयमा तालिम दिने सहमति भएको हो । कोषबाट छनौट भएका आइडियालाई लायन्स क्लबले सिड मनी उपलब्ध गराउने सम्झौतामा उल्लेख छ ।