दुई हजार ४९ बिन्दुमा रोकियो सेयर बजार

काठमाडौं । सेयर बजार परिसुचक पुन ओरालो लागेको छ । अघिल्ले दिन झण्डै ४० अंकले ओरालो लागेको बजार परिसुचक साताको अन्तिम कारोबार दिन आज बिहिबार भने शुन्य दशमलव शुन्य छ अंकले घटेर दुई हजार ४९ दशमलव ३८ बिन्दुमा खुम्चिएको छ । यसैगरी क बर्गका कम्पनीहरुको कारोबा मापन गर्ने सेन्सिटिभ इन्डेक्स पनि शुन्य दशमलव ५८ अंकले ओरालो लागेर तीन सय ८२ दशमलव १६ बिन्दुमा खुम्चिएको छ ।

धितोपत्र बजारमा आज दुई सय ८० वटा कम्पनीहरुको ६९ हजार पाँच सय ५५ पटक सेयर किनबेच भएका छन् । जसअन्तर्गत ९७ लाख ५१ हजार नौं सय ८५ कित्ता सेयर खरिद बिक्री हुँदा कुल कारोबार रकम तीन अर्ब सात करोड ७४ लाख ९८ हजार तीन सय १५ रुपैंयाँ पुगेको छ ।

नेपाल स्टक एक्सचेन्ज लिमिटेड (नेप्से) मा आज १३ वटा समुहहरुको कारोबार भएकोमा बाणिज्य बैंक, फाईनान्स, लगानी, लघुवित्त, सामुहिक लगानी कोष, निर्जीवन बीमा र अन्य उपसमुहको सुचक ओरालो लागेका छन भने बिकास बैंक, होटल तथा पर्यटन, जलबिद्युत, जीवन बीमा, उत्पादनमुलक र ट्रेडिङ उपसमुहको सुचक उकालो लागेका छन् ।