गरिमा क्यापिटलको सञ्चालक समिति हेरफेर

काठमाडौं । गरिमा क्यापिटल लिमिटेडको सञ्चालक समिति फेरबदल भएको छ । कम्पनीको सम्पन्न सञ्चालक समितिको बैठकबाट स्वतन्त्र सञ्चालकका रूपमा महेशप्रसाद काफ्ले र नगीमा श्रेष्ठ नियुक्त भएका छन् । कम्पनीको मुख्य कम्पनी गरिमा विकास बैंक लिमिटेडलाई प्रतिनिधित्व गर्ने सञ्चालकहरु यादवकुमार श्रेष्ठ र रमाकान्त बरालको राजीनामा स्वीकृत भएको कम्पनीले जनाएको छ ।

साथै, गरिमा विकास बैंक लिमिटेडलाई प्रतिनिधित्व गर्ने गरी रामप्रसाद श्रेष्ठ र अनिल रेग्मी सञ्चालकको रूपमा नियुक्त भएका छन् । सञ्चालक समितिमा सदस्यहरूको हेरफेरपश्चात् कम्पनीमा दिपक पाण्डेय अध्यक्ष, माधवप्रसाद उपाध्याय, अनिल श्रेष्ठ, रामप्रसाद श्रेष्ठ, अनिल रेग्मी सञ्चालक रहेका छन् । यसैगरी महेशप्रसाद काफ्ले र नगीमा श्रेष्ठ भने स्वतन्त्र सञ्चालक रहेका छन् । राजीनामा दिई स्वीकृत भएका सञ्चालकले संस्थाको व्यावसायिक तथा बहुआयामिक उन्नयनमा महत्वपूर्ण तथा अतुलनीय योगदान गरेको भन्दै कम्पनीले उनीहरूलाई सम्मान पनि गरेको छ ।