एनएमबी बैंककोे नयाँ अफर

काठमाडौं । एनएमबी बैंकले आफ्ना ग्राहकका लागि दुईवटा नयाँ अफर सार्वजनिक गरेको छ । इ–एनबीए एप र वेबमार्फत नेपालको जुनसुकै बैंक खातामा निःशुल्क रकम ट्रान्स्फर गर्न सकिने दुई अफर सार्वजनिक गरेको हो । व्यक्तिगत, पारिवारिक र व्यापारिक लेनदेनमा यो अफर लागू हुने बैंकले जनाएको छ । सो अफर साउन मसान्तसम्म लागू हुने बताइएको छ । यसका साथै एनएमबी बैंकले असार २०८० सम्म आफ्ना ग्राहकलाई निःशुल्क डेबिट कार्डसमेत जारी गर्ने भएको छ ।

एनएमबी बैंकका नयाँ वा पुराना ग्राहकले कुनै पनि शुल्कविना नै डेबिट कार्डहरू प्राप्त गर्न सक्नेछन् । बैंकले हाल देशका सबै क्षेत्रमा गरी दुई सय एक शाखा, एक सय ३८ वटा एटीएम काउन्टर र १२ वटा एक्सटेन्सन काउन्टरमार्फत वित्तीय कारोबार सञ्चालन गर्दै आएको छ ।