टीभीएसको कीर्तिमानी

काठमाडौं । टीभीएस मोटर कम्पनीले भारतीय राष्ट्रिय स्पिड इन्ड्योरेन्सको कीर्तिमान कायम गरेको छ । २४ घण्टे स्पिड इन्ड्योरेन्स चुनौतीमा टीभीएसले कीर्तिमान कायम गरेको हो । आपोलो आल्फा एच १ टायर्सयुक्त टीभीएस आपचे आरआर ३१० मोटरसाइकलमार्फत कम्पनीले कीर्तिमानी कायम गरेको हो ।

कम्पनीले एनएट्रयाक्स (एसियाकै सबैभन्दा लामो हाइस्पिड ट्रयाक–एफएमएससीआईद्वारा प्रमाणित), इन्दौरमा तीन हजार छ सय ५७ दशमलव ९२ किलोमिटरको यो कीर्तिमान कायम गरेको हो । कम्पनीका अनुसार २४ घण्टे स्पिड एन्ड्योरेन्सको चुनौती टोलीमा १८ जना चालक सम्मिलित थिए । उनीहरूले तीन ओटो टीभीएस आपचे आरआर ३१० मोटरसाइकलहरूमा रिले गरेका थिए । २४ घण्टे स्पिड इन्ड्योरेन्स चुनौती जुलाई दुईमा आईएसटी बिहान १० बजेदेखि सुरु गरिएको थियो । चुनौतीकै एक भागका रूपमा सवारहरूले औसत गति १५२ किमि प्रतिघन्टामा कुल ३२२ ल्याप कभर गरेका थिए ।

यस्तै, चुनौतीको समयमा रेकर्ड गरिएको शीर्ष गति १७३ किमि प्रतिघण्टा रहेको थियो । चुनौतीमा २४ घन्टाको समयमा तीन हजार छ सय ५७ दशमलव ९२ किलोमिटरको दूरी कभर गरेबापत इन्डिया बुक अफ रेकर्डमा प्रवेश गरेको छ ।

टीभीएस रेसिङद्वारा अद्वितीय ट्र्याक वेपनकारूपमा निर्माण गरिएको टीभीएस आपाचे आरआर ३१० ले १७३ किलोमिटर प्रतिघण्टाको अधिकतम गति र १५२ किमि प्रतिघण्टाको औसत् गतिमा कुदेर रेकर्ड राखेको हो । कम्पनीको ‘ट्रयाक टू रोड’ दर्शनको प्रवद्र्धन गर्दै, टीभीएस आपाचे सिरिजले भर्खरै ५० लाख विश्वव्यापी बिक्रीको महत्वपूर्ण कोशेढुङ्गा प्राप्त गर्न सफल भएको छ । यसले विश्वव्यापी ग्राहकको विश्वास र बफादारी कमाउँदै सबैभन्दा तीव्र गतिमा वृद्धि हात पार्न सफल भएको कम्पनीको दाबी छ ।

टीभीएस आपचे आरआर ३१० द्वारा ट्र्याकमा प्रस्तुत असाधारण कार्यसम्पादनले यसको अत्याधुनिक प्रविधि र अटल विश्वसनीयताको प्रमाण दिने प्रिमियम टीभीएस मोटर कम्पनीका विजनेस हेड विमल सुम्ब्लीले बताए । यो कीर्तिमानी उपलब्धिले टीभीएस आपाचेलाई मोटरसाइकलको संसारमा एक सच्चा च्याम्पियनको रूपमा स्थापित गरिदिएको उनको भनाइ छ ।