प्रभु महालक्ष्मी लाइफको अध्यक्षमा भट्टचन

काठमाडौं । प्रभु महालक्ष्मी लाइफ इन्स्योरेन्सको सञ्चालक समिति अध्यक्षमा शिक्षा भट्टचन चयन भएकी छन् । साविकको प्रभु लाइफ र महालक्ष्मी लाइफ इन्स्योरेन्स मर्जरपश्चात् बनेको प्रभु महालक्ष्मी लाइफको सोमबार बसेको सञ्चालक समिति बैठकले भट्टचनलाई नयाँ कम्पनीको अध्यक्षमा चयन गरेको हो ।

कम्पनीको असार २८ गते बसेको निर्णयानुसार नयाँ कम्पनीको सञ्चालकमा संस्थापक समूहबाट चार जना र सर्वसाधारण समूहबाट दुईजना गरी छ जना सञ्चालक चयन गरेको थियो । सोपश्चात् बसेको सञ्चालक समितिको बैठकले भट्टचनलाई अध्यक्षमा चयन गरेको हो ।