छत्रपाटी चिकित्सालयको मेडिकल डाइरेक्टरमा सन्तोष मानन्धर नियुक्त

काठमाडौं । काठमाडौंको छत्रपाटीस्थित छत्रपाटी निःशुल्क चिकित्सालय (अस्पताल)को मेडिकल डाइरेक्टरमा डा. सन्तोष मानन्धर नियुक्त भएका छन् । नेपालको सबैभन्दा पुरानो सामुदायिक अस्पतालको नवनिर्वाचित अध्यक्ष डा मनोजमान श्रेष्ठको सपथग्रहणलगत्तै बसेको नवनिर्वाचित तथा निर्वतमान कार्यसमितिको संयुक्त बैठकले साउन १ गतेदेखि लागू हुनेगरी मानन्धरलाई सो पदमा नियुक्त गर्ने निर्णय गरेको हो ।

नवनिर्वाचित अध्यक्ष श्रेष्ठले पहिलो बैठकलगत्तै मानन्धरलाई नियुक्त गरेको घोषणासँगै स्वागत गर्नुका साथै पद तथा गोपनियताको सपथग्रहण गराएका छन् । नवनियुक्त मेडिकल डाइरेक्टर मानन्धरले छत्रपाटी निःशुल्क चिकित्सालयको स्वास्थ्य सेवा अझै प्रभावकारी बनाउने, गरिब, असहायले सहजै उपचार सुविधा पाउने व्यवस्था गर्ने र अस्पताललाई अत्याधुनिक स्वास्थ्य सेवा प्रवाह गर्ने प्रतिबद्धता जनाएका छन् ।