प्रभु महालक्ष्मी लाइफको अभिकर्ता मिलन समारोह

काठमाडौं । प्रभु महालक्ष्मी लाइफ इन्स्योरेन्स लिमिटेडले देशका विभिन्न ठाउँमा अभिकर्ता मिलन समारोह सम्पन्न गरेको छ । एकीकृत कारोबारपछि साविक प्रभु लाइफ र महालक्ष्मी लाइफका अभिकर्ताहरूलाई एकीकृत गर्ने उद्देश्यले मंगलबार कार्यक्रमको आयोजना गरिएको कम्पनीले जनाएको छ ।

कम्पनीका अनुसार मंगलबार झापाको बिर्तामोड, पर्साको वीरगञ्ज, दाङको घोराही र कैलालीको धनगढीमा कार्यक्रम आयोजना भएको थियो । कार्यक्रममा दुवै कम्पनीका सक्रिय अभिकर्तालाई सहभागी गराइएको थियो । चारै ठाउँमा भएको कार्यक्रममध्ये सबै कार्यक्रममा सय जनाभन्दा बढी अभिकर्ताको उपस्थिति देखिएको छ । कार्यक्रममा मर्जरपछिको बीमा कारोबारको अवस्था, प्रचलनमा ल्याउने पोलिसीहरू, एजेन्सी सिस्टम र एजेन्सी स्किमका बारेमा अभिकर्तालाई प्रशिक्षण दिइएको थियो ।

बिर्तामोडमा सोनबहादुर मगर र प्रभाकर न्यौपाने, वीरगञ्जमा प्रयास श्रेष्ठ र सीताराम धिमाल, घोराहीमा प्रशान्तराज धमला र योगेन्द्रप्रसाद खतिवडा तथा धनगढीमा किशोरप्रसाद लामिछाने र रामेश्वर श्रेष्ठले प्रशिक्षण दिएका थिए । प्रशिक्षक सबैजना प्रभु महालक्ष्मी लाइफ कम्पनी प्रधान कार्यालयका वरिष्ठ अधिकृतहरू भएको कम्पनीले जानकारी दिएको छ ।