अंग्रेजी नयाँ वर्ष प्रारम्भसँगै फैलिएको कोरोना भाइरसको महामारी यतिबेला विश्वव्यापी भैसेको छ । कति मुलुकमा यो व्याधि पुग्यो भन्ने भन्दा पनि यो व्याधि नलागेको वा नपुगेको मुलुक कति र कहाँ होलान् भन्ने पक्षबाट हेर्नुपर्ने भएको छ । अहिले सार विश्व नै लकडाउनमा छ भन्दा पनि फरक नपर्ला । मानिसको आवतजावत रोकिँदा अर्बको संख्यामा मान्छे प्रत्यक्ष प्रभावित भएको मानिएको छ । अन्तर्राष्ट्रिय नागरिक उड्डयन संगठन (आईकाओ)ले यसअघि नै यो महामारीले सबैभन्दा बढी होटल तथा उड्डयन क्षेत्रलाई प्रभाव पार्ने भनी बताएको थियो । यतिबेला उसले भनेजस्तै संसारभरि नै आन्तरिक आवतजावत ठप्प भइरहेको अवस्था छ भने सबै उडान, पर्यटक आवागमन, घुमफिरजस्तो काम रोकिएका छन् । आईकाओको प्रक्षेपणले सन् २०२० सेप्टेम्बरसम्म हवाइ यात्रुको संख्यामा एक अर्ब २० करोडले कमी आउने बताएको छ । तर, अवस्था यो संख्या झनै बढ्लाजस्तो छ कोरोना भाइरसको विस्तारको अवस्था हेर्दा ।
यो वर्षलाई लक्षित गरेर नेपालको पर्यटन क्षेत्रमा धेरै लगानी गरिएको थियो । यसले नेपाल थप नोक्सानीमा परेको छ । यो कुनै व्यक्तिको कारणले नभएको हुँदा यसलाई साझा मान्नुपर्छ तर उक्सने बाटो पनि खोज्न जरुरी छ । नोक्सानी भैसकेको अवस्थामा यसबाट सकेसम्म कम क्षति हुने उपाय के हुन सक्छ भन्ने पनि खोज्न जरुरी छ । उपाय नभएका होइनन् । यही सन्दर्भमा चेम्बर अफ कमर्शले केही नयाँ कुरा प्रस्ताव गरेको भन्ने जानकारी बाहिर आएको छ । सरकारले त्यसलाई गम्भीरतापूर्वक लिनपर्छ । त्यस्तो सुझावमा आन्तरिक पर्यटन कोरोनाको प्रभाव कम हुनेबित्तिकै अघि बढाउनु आवश्यक छ र यसका लागि सरकारले अनिवार्यरूपमा वर्षको एक पटक निजामती तथा संगठित संस्थाका कर्मचारीहरू र आम नागरिकहरूलाई प्रोत्साहन प्याकेजसहित आन्तरिक भ्रमणका लागि प्रेरित गर्न र निजी क्षेत्रलाई पनि प्याकेजहरूमार्फत केही छुट दिएर आन्तरिक पर्यटन प्रवर्द्धन गर्ने वातावरण बनाउन प्रस्ताव भएको छ ।
सुझाव मान्दा फाइदा हुन्छ भने त्यसलाई अवलम्बन गर्दा हुन्छ नै । यही सन्दर्भमा पर्यटन प्रवर्द्धन गर्न निजी क्षेत्रले पनि ‘कस्ट टू कस्ट’ बेसिसमा होटललगायत अन्य पर्यटकीय सुविधा प्रदान गर्न सुनिश्चितता प्रदान गर्नेगरी अधिकतम पर्यटक ल्याउने गरी तयारी गरिनुपर्ने प्रस्ताव आएको छ । यो भनेको नीजी क्षेत्रको पनि साझेदारी हुनु हो । चेम्बरको सुझावमा पर्यटन क्षेत्रमा डिसइन्फेक्सनलाई पहिलो प्राथमिकतामा राखी अनिवार्य गर्ने तथा कडाइका साथ अनुगमनसमेत गर्ने भनिएको छ । हवाइ जहाज, बस, कारसहित बास बस्ने स्थान होटल, रिसोर्ट, होमस्टे, रेस्टुरेन्ट तथा विमानस्थल, बसस्टप, टिकट तथा चेकइन काउन्टर, संग्रहालय, ¥याफ्टिङ, बञ्जी, प्याराग्लाइडिङ, साइक्लिङ, बोटिङ, हात्ती सफारीलगायतका पर्यटकीय क्षेत्र र साधनमा नियमितरूपले डिसइन्फेक्ट गर्नुपर्ने र यसबाट सुरक्षाको महसुस गराउन सकिने । यसो गरिँदा क्ष्ति भएको पर्यटन क्षेत्रलाई केही हदसम्म उठाउन सकिन्छ । यसबारे पनि सरकारले सोच्न जरुरी छ ।
क्याटेगोरी : सम्पादकीय
ताजा अपडेट
- नबिल एसएसईको वार्षिकोत्सव
- कृषि विकास बैंकको मेलम्ची शाखाको सहयोग
- सिद्धार्थ बैंक र एनसीएचएलबीच अली पे प्लसमार्फत अन्तरदेशीय भुक्तानी गर्ने सम्झौता
- कांग्रेसको सयदिने अभियान सुरु
- ट्रकले स्कुटरलाई ठक्कर दिँदा एकको मृत्यु, एकको अवस्था गम्भीर
- मलको अभाव हुँदा खेती गर्न समस्या
- मकवानपुरमा सुतिरहेका साथीको साबेल प्रहार गरी हत्या
- सिटिजन्स बैंकको कम्पनी सचिवमा प्रमेशराज कायस्थ
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया