समृद्धि फाइनान्सद्वारा वृक्षारोपण

काठमाडौं । समृद्धि फाइनान्सको हेटौंडा र पोखरा शाखाले वृक्षारोपण कार्यक्रम गरेका छन् । शनिबारबाट सुरु भएको कार्यक्रम साउनमहिनाभर सञ्चालन हुने बताइएको छ । यो महिनाभर १३ वटै शाखाले कार्यक्रम गर्ने फाइनान्सको तयारी छ ।

फाइनान्सले मासिकरूपमा सम्पन्न गर्ने संस्थागत सामाजिक उत्तरदायित्वअन्तर्गतको कार्यक्रमको सूचीमध्ये श्रावणमहिनाको लागि तय भएको कार्यक्रमको रूपमा वृक्षारोपणको सुरुवात गरेको र आर्थिक वर्ष २०८०/८१ को प्रत्येक महिनामा संस्थागत सामाजिक उत्तरदायित्वअन्तर्गत सम्पूर्ण १३ वटै शाखाबाट विभिन्न कार्यक्रम गर्ने तय भएको फाइनान्सले जनाएको छ ।

नेपाल राष्ट्र बैंकबाट “ग” वर्गको इजाजतपत्र प्राप्त राष्ट्रियस्तरको समृद्धि फाइनान्स कम्पनी लिमिटेडले हाल १३ वटा शाखामार्फत कारोबार गर्दै आएको छ भने आरटीजीएस, आईपीएस, कनेक्ट आईपीएस, रेमिट्यान्स, क्लियरिङलगायतका बैंकिङ र मोबाइल बैंकिङ, डेबिट कार्ड, क्युआर कोडजस्ता डिजिटल सुविधा प्रदान गरिरहेको जानकारी फाइनान्सले दिएको छ ।