‘आईएमई पे’को प्रिटी उत्सव

काठमाडौं । आईएमई पेले साउन महिनामा नारीलाई लक्षित गर्दै प्रिटी उत्सव नामको अफर सार्वजनिक गरेको छ । सो अफर यही साउन महिनाको दोस्रो सोमबार अर्थात् साउन ८ देखि ३२ गतेसम्म चल्नेछ ।

यो अफर जित्ने प्रत्येक विजेतालाई प्रिती क्लिकको तर्फबाट पाँच हजार रुपैयाँको भौचर प्रदान गरिने छ । सो अफरमा भाग लिन सेवाग्राहीले अफर अन्तराल भरी कम्तीमा एकपटक आईएमई पेमार्फत क्युआरस्क्यान गरी भुक्तानी गर्नुपर्ने छ । अफर अन्तराल भर प्रत्येक पाँच दिनपछि गोलाप्रथामार्फत दुई जना विजेता छनौट गरिने छ । विजेताको नाम सामाजिक सञ्जालमार्फत घोषित गरिने कम्पनीले जनाएको छ । सेवाग्राहीले जुनसुकै क्युआरमार्फत भुक्तानी गर्न सक्ने बताइएको छ । विजेताले प्रिती क्लिकमा गएर सो भौचरको प्रयोग गर्न सक्ने बताइएको छ । यो अफर आईएमई पेको महिला सेवाग्राहीका लागि मात्र मान्य रहेको छ ।