नौं दशमलव २५ अंकले उक्लियो सेयर बजार

काठमाडौं । सेयर बजार परिसुचक उकालो लागेको छ । अघिल्लो दिन झण्डै २९ अंकले ओरालो लागेको बजार परिसुचक साताको चौंथो कारोबार दिन आज बुधबार भने नौं दशमलव २५ अंकले उकालो लागेर दुई हजार ८६ दशमलव ८४ बिन्दुमा कायम रहन सफल भएको छ । यसैगरी क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि आज एक दशमलव ५६ अंकले उकालो लागेर तीन सय ९८ दशमलव २८ बिन्दुमा पुग्न सफल भएको छ ।

धितोपत्र बजारमा आज दुई सय ६९ वटा कम्पनीहरुको सेयर खरिद बिक्री भएका छन् । सो अनुसार ३५ हजार आठ सय ३५ पटकको कारोबारमा ९३ लाख ६१ हजार सात सय ८६ कित्ता सेयर किनबेच भएका छन् । सोही किनबेचका आधारमा आज कुल कारोबार रकम एक अर्ब ८१ करोड २४ लाख ७३ हजार आठ सय ५६ रुपैंयाँ १३ पैसा पुगेको छ ।

नेपाल स्टक एक्सचेन्ज लिमिटेड (नेप्से) मा आज १३ वटा उपसमुहरुको सेयर कारोबार भएकोमा जलबिद्युत, लघुवित्त र ट्रडिङ समुहको सुचक ओरालो लागेका छन् । यि बाहेकका बाणिज्य बैंक, बिकास बैंक, फाईनान्स, जीवन बीमा, निर्जीवन बीमा सहितका १० वटा उपसमुहहरुको सुचक भने उकालो लागेका छन् ।