व्यवसायजन्य स्वास्थ्य सुरक्षाको सर्वेक्षण सार्वजनिक
काठमाडौं । उद्योग संगठन मोरङले सुनसरी मोरङ औद्योगिक करिडोरमा सञ्चालनमा रहेका उद्योग प्रतिष्ठानमा व्यवसायजन्य स्वास्थ्य सुरक्षाको अवस्था र गर्नुपर्ने सुधारका विषयमा सर्वेक्षण प्रतिवेदन सार्वजनिक गरेको छ । संगठनले व्यवसायजन्य स्वास्थ्य सुरक्षाका मापदण्डलाई आधारमा राखी सही सर्वेक्षण गरेको जानकारी दिएको छ ।
प्रतिवेदन सार्वजनिक कार्यक्रममा उद्योग संगठनका अध्यक्ष राकेश सुरानाले असल उत्पादनका अभ्यास र व्यवसायजन्य स्वास्थ्य सुरक्षाको अन्तरसम्बन्ध हुने भन्दै संगठनले असल उत्पादनका अभ्यासलाई प्राथमिकता राखी सोहीअन्तर्गतका गतिविधिलाई बढावा दिने स्पष्ट पारेका थिए । अध्यक्ष सुरानाले व्यवसायजन्य स्वास्थ्य सुरक्षा उत्पादकत्व अभिवृद्धि, दुर्घटना न्यूनीकरण र मानिसको स्वास्थ्यसँग प्रत्यक्ष सम्बन्ध राख्ने भएको बताउँदै आगामी दिनमा संगठनका तर्फबाट उद्योग प्रतिष्ठानमा जनचेतनामूलक कार्यक्रम सञ्चालन गरी सुधारका पक्षमा ध्यान केन्द्रित गर्न सबै उद्योग प्रतिष्ठानलाई आग्रह गरे ।
उद्योगको सर्वेक्षण गर्ने सर्वेक्षक विजु थपलियाले आफूले सर्वेक्षण गरेको प्रतिवेदन प्रस्तुत गर्दै स्वास्थ्य सुरक्षाका लागि व्यावहारिक पक्षहरू सुधार गर्नुपर्नेमा जोड दिएका थिए । उनले व्यवसायजन्य स्वास्थ्य सुरक्षाका सन्दर्भमा व्यवस्थापकीय तह र श्रमिक तहमा चेतनास्तर फरक रहको बताउँदै जोखिम न्यूनीकरण र श्रमिकको सुरक्षा चेतना अभिवृद्धि गर्नुपर्नेमा कुुरामा सबै उद्योग प्रतिष्ठानहरूलाई जोड दिनुुपर्ने औँल्याए ।
उद्योग प्रतिष्ठानहरूले कार्यस्थल निर्माणदेखि संस्कृति विकासका लागि सञ्चालनमा रहेका सबै उद्योग प्रतिष्ठानले आपतकालीन सुरक्षा योजना बनाउनुपर्नेमा थपलियाको जोड थियो । संगठनले इन्स्योर परियोजनाको सहकार्यमा सो सर्वेक्षण गरेको हो । सर्वेक्षणमा आधारित रही निकट भविष्यमा यस क्षेत्रको उद्योग प्रतिष्ठानमा व्यवसायजन्य स्वास्थ्य सुरक्षा अडिट गर्नुुपर्ने सर्वेक्षक थपलियाले बताए । कार्यक्रममा संगठनका वरिष्ठ उपाध्यक्ष नन्दकिशोर राठी, सदस्य दीपक अग्रवाल, इन्स्योर हेल्भेटासका प्रदेश परियोजना प्रमुख सञ्जीव राईलगायतका प्रतिनिधिसहित करिडोरमा सञ्चालित विभिन्न उद्योग प्रतिष्ठानका सञ्चालक एवम् व्यवस्थापकलगायतको सहभागिता रहेको थियो ।
क्याटेगोरी : कर्पोरेट-वाणिज्य-उद्योग
ट्याग : #Page 8
ताजा अपडेट
- इजरेल किन अधीनस्थ वेस्ट ब्याङ्कमा बस्ती बसाउने काम रोक्दैन ?
- दुर्घटना अपडेटः बसको ठक्करबाट घाइते महिलाको पनि मृत्यु
- उदाउँदो चन्द्रमालाई अघ्र्य दिँदै चौठचन्द्र पर्व सम्पन्न
- राजनीतिक परिवर्तनप्रति कर्मचारीहरुले गरेको योगदान प्रशंसायोग्य छ :प्रधानमन्त्री
- हरितालिका (तीज) : पशुपतिनाथलगायत देशभरका शिवालयमा बिहानैदेखि भीड
- संयुक्त राष्ट्रसङ्घको महासभामा भाग लिन प्रधानमन्त्री ओली न्यूयोर्क जानुहुने
- जेष्ठ नागरिकको अवस्था
- नेपालको वैदेशिक व्यापारमा चुनौतीहरू
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया