कामना सेवा र सन सेक्युरिटिजबीच सम्झौता

काठमाडौं । कामना सेवा विकास बैंकल र धितोपत्र बोर्डबाट इजाजतप्राप्त ब्रोकर कम्पनी सन सेक्युरिटिजबीच सम्झौता भएको छ । बुधबार सम्झौता गरी फाइभ इन वान सेवा सम्बन्धमा सम्झौता गरेको हो । यो सम्झौतापश्चात बैंकका ग्राहकहरूले बचत खाता, डिम्याट खाता, सेयर ट्रेडिङ खाता, सी आस्वा र मेरो सेयर एकै सेवामार्फत प्राप्त गर्न सक्ने बताइएको छ ।

उक्त सेवामार्फत् आफ्ना ग्राहकहरूले सरलरूपमा सेयर कारोबार गर्न सहज होस् भन्ने उद्देश्यले यस्ता सेवाहरू उपलब्ध गराएको हो । काठमाडौंको ३० नं वडामा पर्ने ज्ञानेश्वरमा केन्द्रीय कार्यालय रहेको बैंकले देशका विभिन्न स्थानहरूमा एक सय ३४ वटा शाखा, एउटा विस्तारित शाखा र २१ शाखारहित बैंकिङ सेवा तथा ७६ वटा एटीएममार्फत ग्राहकहरूलाई आफ्नो सेवा प्रदान गर्दै आएको छ । साथै, बैंकले एबीबीएस, एसएमएस बैंकिङ, मोबाइल बैंकिङ, सी आस्वालगायतका माध्यमबाट समेत सम्पूर्ण बैंकिङ सेवाहरू उपलब्ध गराउँदै आएको तथा समयसापेक्ष आफ्ना सेवाहरू थप गर्दै जाने बैंकको योजना रहेको छ ।

क्याटेगोरी : बैंक बित्त बजार
ट्याग : #Page 6