ओपो ए ७८ नेपालमा

काठमाडौं । ओपो ए ७८ नेपालमा सार्वजनिक गरिएको छ । कम्पनीले यो फोन महत्वपूर्ण अपग्रेड समावेश भएकोले चार वर्षसम्म निर्वाधरूपमा चल्नेगरी बनाएको कम्पनीले जनाएको छ । कम्पनीले मात्र ३२ हजार नौ सय ९९ रुपैयाँमा पाइनेगरी बिहीबार यो फोन नेपालमा सार्वजनिक गरेको हो ।

कम्पनीका अनुसार यो फोनमा सुपर फास्ट ६७ वाट सुपरभोकटिएम फ्ल्यास चार्ज र ठूलो पाँच हजार एमएएच ब्याट्री राखिएको छ । यो फोन मात्र ४४ मिनेटमा १०० प्रतिशत चार्ज हुने कम्पनीको दाबी छ । साथै, ओपोले ए७८ मा चार्जिङ सुरक्षा र विश्वसनीयता बढाउन डिजाइन गरिएका विशेष प्रविधिहरूको शृंखला पनि ल्याएको छ । ओप्पोको ब्याट्री हेल्थ इन्जिनले ए७८ को ब्याट्रीको आयु १६०० चार्ज र डिस्चार्ज साइकलसम्म विस्तार गर्न मद्दत गर्ने बताइएको छ ।

यसको मूल्य क्यामेरा ५० एमपीको रहेको छ । साथै, यसमा डुअल–भ्यु भिडियोलाई अगाडि र पछाडिका दुवै क्यामेराबाट एकैसाथ सुट गर्न र फुटेजलाई एउटै फ्रेममा जोड्न प्रयोग गर्न सकिन्छ । यो फोन स्न्यापड्रगन आर ६८० मोबाइल प्लेटफार्मद्वारा सञ्चालित छ । फोनमा ८ जिबी ¥याम र २५६ जिवी रोम रहेको छ भने एसडी कार्ड स्लटमार्फत एक टिबीसम्मको अतिरिक्त भण्डारण रहेको छ । साथै, यसमा ओप्पोको -याम एक्सपेन्सन टेक्नोलोजी पनि समावेश छ, जसको प्रयोगले फोनलाई भारी–लोडको अवस्थामा सहजरूपमा चलाउनका लागि अधिकतम आठ जीबी ¥याममा अस्थायीरूपमा फ्रि रोम स्पेसलाई रूपान्तरण गर्न सकिन्छ ।