अग्नि मोटोइङ्कको ‘मनसुन राइड अफर’

काठमाडौं । अग्नि ग्रुपको सहायक कम्पनी अग्नि मोटोइङ्कले जावा तथा येज्दी मोटरसाइकलहरूमा ‘मनसुन राइड अफर’ ल्याएको छ । यो योजनाअन्तर्गत जावा तथा येज्दी मोटरसाइकल किन्दा ग्राहकले कम ब्याजदरमा सजिलो फाइनान्स अथवा एसेसरिजसहित राइडिङ गियर पाउने भएका छन् ।

कम्पनीका अनुसार मोटरसाइकल खरिद गर्दा ५० प्रतिशत डाउन पेमेन्टमा दुई वर्षको अवधिमा जम्मा पाँच दशमलव पाँच प्रतिशत ब्याजदर मात्र लाग्ने बताइएको छ । यदि ग्राहकले नगदमा नै खरिद गर्ने हो भने एसेसरिजसहित सम्पूर्ण राइडिङ गियर पाउने बताइएको छ । उक्त एसेसरिज र राइडिङ गियर बराबरको रकम नगद छुट पाउन सक्नेछन् । यस्तै, हरेक मोटरसाइकलको खरिदमा निःशुल्क हेलमेट र एक वर्षको रोड ट्याक्स पनि पाइने बताइएको छ ।

कम्पनीले हाल जावा ब्राण्डअन्तर्गत फोर्टी–टु, जावा र पेराक मोडेलको मोटरसाइकलहरू उपलब्ध गराइरहेको छ भने येज्दी ब्राण्डअन्तर्गत रोडस्टर, स्क्राम्बलर र एड्भेन्चर मोडेलहरू उपलब्ध छन् । जावा ब्राण्ड सन् २०२० मा लन्च भएको हो भने येज्दी ब्राण्ड हालसालै नेपालमा लन्च भएको कम्पनी हो । यी सबै मोटरसाइकलहरू ३०० देखि ३३४ सम्मका छन् । यो मनसुन राइड अफर जावा येज्दीका सबै सोरुमहरूमा उपलब्ध हुने तथा सीमित अवधिका लागि मात्र लागू हुने कम्पनीले जनाएको छ ।