समृद्धि फाइनान्सको वृक्षारोपण

काठमाडौं । समृद्धि फाइनान्सले विभिन्न ठाउँमा वृक्षारोपण कार्यक्रम आयोजना गरेको छ । शुक्रबार संस्थाको इटहरी, गौर, औराही र बुटवल शाखाबाट र शनिबारको पुतलीसडक शाखाबाट वृक्षारोपण कार्यक्रम समापन गरेको छ । गत हप्ताबाट सुरु भएको वृक्षारोपण कार्यक्रम साउन महिनाभित्र सम्पूर्ण शाखाबाट सम्पन्न गर्ने तय भएको संस्थाले जनाएको छ ।

साथै, फाइनान्सले मासिकरूपमा सम्पन्न गर्ने संस्थागत सामाजिक उत्तरदायित्वअन्तर्गतको कार्यक्रमहरूको सूचीमध्ये साउन महिनाको लागि तय भएको कार्यक्रमको रूपमा वृक्षारोपणको सुरुवात गरेको र आर्थिक वर्ष २०८०/८१ को प्रत्येक महिनामा संस्थागत सामाजिक उत्तरदायित्वअन्तर्गत १३ वटै शाखाबाट विभिन्न कार्यक्रमहरू गर्ने तय भएकोसमेत संस्थाले जानकारी गराएको छ ।