समृद्धि फाइनान्सको वृक्षारोपण

काठमाडौं । समृद्धि फाइनान्सले विभिन्न ठाउँमा वृक्षारोपण गरेको छ । शुक्रबार फाइनान्सको मधुवन, खरेन्द्रपुर शाखा एवम् २१ गते आइतबार कसाह शाखाबाट वृक्षारोपण गरिएको फाइनान्सले जनाएको छ । साउनको पहिलो हप्ताबाट सुरु भएको कार्यक्रमअन्तर्गत् संस्थाका सातवटा शाखाबाट सम्पन्न गरिसकेको र श्रावण महिनाभित्र सम्पूर्ण शाखाबाट सम्पन्न गर्ने तय भएको संस्थाले जनाएको छ ।

साथै फाइनान्सले मासिकरूपमा सम्पन्न गर्ने संस्थागत सामाजिक उत्तरदायित्वअन्तर्र्गतको कार्यक्रमको सूचीमध्ये श्रावणमहिनाको लागि तय भएको कार्यक्रमहरूको रूपमा वृक्षारोपणको सुरुवात गरेको र आर्थिक वर्ष २०८०/८१ को प्रत्येक महिनामा संस्थागत सामाजिक उत्तरदायित्वअन्तर्गत सम्पूर्ण १३ वटै शाखाबाट विभिन्न कार्यक्रमहरू गर्ने तय भएको समेत संस्थाले जानकारी गराएको छ ।

नेपाल राष्ट्र बैंकबाट ‘ग’ वर्गको इजाजतपत्र प्राप्त राष्ट्रियस्तरको समृद्धि फाइनान्स कम्पनीले हाल १३ वटा शाखामार्फत कारोबार गर्दै आएको छ भने आरटीजीएस आईपीएस, कनेक्ट आईपीएस, रेमिट्यान्स, क्लियरिङलगायतका बैंकिङ र मोबाइल बैंकिङ, डेबिट कार्ड, क्युआर कोडजस्ता डिजिटल सुविधाहरू प्रदान गरिरहेको छ ।