सामुदायिक लघुवित्तको खुद नाफा घट्यो

काठमाडौं । सामुदायिक लघुवित्त वित्तीय संस्थाको खुद मुनाफा घटेको छ । संस्थाले आर्थिक वर्ष २०७९/८० मा चार लाख एक हजार रुपैयाँ खुद नाफा आर्जन गरेको छ । अघिल्लो आवमा भने संस्थाको यस्तो नाफा तीन करोड एक लाख २३ हजार रुपैयाँ रहेको थियो ।

हाल चुक्ता पुँजी १४ करोड ५२ लाख रुपैयाँ रहेको संस्थाले आव २०७९/८० मा ५५ करोड ९३ लाख १३ हजार रुपैयाँ निक्षेप संकलन गरी एक अर्ब २१ करोड ८५ लाख १० हजार रुपैयाँ कर्जा प्रवाह गरेको छ । सो अवधिमा नौ करोड ३६ लाख ८३ हजार रुपैयाँ खुद ब्याज आम्दानी गरेको संस्थाको प्रोभिजन रकम दुई करोड ८० लाख ४४ हजार रुपैयाँ रहेको छ भने निष्क्रिय कर्जाको अनुपात नौ दशमलव शून्य पाँच प्रतिशत रहेको छ ।

अघिल्लो आवमा भने संस्थाले ५७ करोड ६५ लाख ५३ हजार रुपैयाँ निक्षेप संकलन गरी एक अर्ब ५९ करोड ७० लाख ३५ हजार रुपैयाँ कर्जा प्रवाह गरेको थियो । उक्त अवधिमा ११ करोड ७१ लाख ४३ हजार रुपैयाँ खुद ब्याज आम्दानी गरेको संस्थाको प्रोभिजन रकम ५० लाख ९३ हजार रुपैयाँ रहेको थियो भने निष्क्रिय कर्जाको अनुपात पाँच दशमलव शून्य छ प्रतिशत रहेको थियो ।