दुई हजार २५ बिन्दुमा खुम्चियो सेयर बजार

काठमाडौं । सेयर बजार परिसुचक पुन ओरालो लागेको छ । अघिल्लो दिन झण्डै ३२ अंकले ओरालो लागेको बजार परिसुचक आज बुधबार पनि २० दशमलव ३१ अंकले ओरालो लागेर दुई हजार २५ दशमलव १२ बिन्दुमा खुम्चिएको छ । यसैगरी क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि पाँच दशमलव ५४ अंकले ओरालो लागेर तीन सय ८६ दशमलव ३० बिन्दुमा झरेको छ ।

धितोपत्र बजारमा आज दुई सय ६९ वटा कम्पनीहरुको सेयर खरिद बिक्री भएका छन् । जसबाट ४५ हजार एक सय ६७ पटकको कारोबारमा ४८ लाख ३८ हजार एक सय छ कित्ता सेयर किनबेच भएका छन् । सोही किनबेचका आधारमा आज कुल कारोबार रकम एक अर्ब ६७ करोड ९९ लाख ८० हजार छ सय २३ रुपैंयाँ पुगेको छ ।

नेपाल स्टक एक्सचेन्ज लिमिटेड (नेप्से) मा आज १३ वटा उपसमुहहरुको सेयर खरिद बिक्री भएका छन् । जसमध्ये बाँणिज्य बैंक, बिकास बैंक, फाईनान्स, जलबिद्युत, जीवन बीमा, निर्जीवन सहितका १३ वटै उपसमुहहरुको सुचक घटेर सेयर बजार पुरै रातो भएको छ ।