नेदरल्यान्डको अर्थतन्त्र मन्दी उन्मुख

नेदरल्यान्ड । नेदरल्यान्डको अर्थतन्त्र मन्दीमा प्रवेश गरेको छ । दोस्रो त्रैमासिक रिपोर्टको आधारमा डच अर्थतन्त्र शून्य दशमलव तीन प्रतिशतले संकुचित भएको छ । जुन कोभिड–१९ पछि पहिलो मन्दी हो र वर्षको पहिलो चीन महिनामा शून्य दशमलव चार प्रतिशत संकुचन पछ्याउँछ । डच अर्थतन्त्र युरोजोनको पाँचौँ ठूलो अर्थतन्त्र हो । उपभोक्ता खर्च र निर्यातमा आएको गिरावटले नेदरल्यान्डको अर्थतन्त्र मन्दीमा गएको हो ।

नेदरल्यान्डको उपभोक्ता खर्च एक दशमलव ६० प्रतिशतले घटेको छ । यो तथ्यांक वर्षको पहिलो तीन महिनाको तुलनामा शून्य दशमलव ७० प्रतिशतले कम हो । नेदरल्यान्ड्सको मुद्रास्फीति २०२२ सेप्टेम्बरमा १४ दशमलव ५० प्रतिशत पुगेको थियो ।

डच अर्थतन्त्रले उच्च मुद्रास्फीति, बढ्दो ब्याजदर र युक्रेनमा युद्धका कारण धेरै चुनौतीहरुको सामना गरिरहेको छ । यी चुनौतीहरुले आउँदो महिनाहरुमा अर्थतन्त्रमा दबाब दिइरहने र गहिरो मन्दी आउनसक्ने आकलन गरिएको छ ।