परिसंघ र आईडिया स्टुडियोबीच सम्झौता

काठमाडौँ । नेपाल उद्योग परिसंघ र आईडिया स्टुडियो नेपालबीच उद्यमशीलताको क्षेत्रमा सहकार्य गर्नेसम्बन्धी समझदारी भएको छ । समझदारी पत्रमा परिसंघका अध्यक्ष राजेशकुमार अग्रवाल र आईडिया स्टुडियोेका अध्यक्ष डा छिरिङ लामाले हस्ताक्षर गरेका छन् । दुई संस्थाबीच प्राविधिक, वैज्ञानिक, वित्तीय तथा मानव संसाधनको सहयोगबाट उद्यमशीलता तथा लगानी प्रवद्र्धनको क्षेत्रमा सहकार्य हुने बताइएको छ ।

परिसंघ सचिवालयमा आयोजित समझदारी पत्रको हस्ताक्षर कार्यक्रममा परिसंघका अध्यक्ष अग्रवालले आर्थिक विकासका लागि देशमा उद्यमशीलता तथा व्यावसायिक प्रवद्र्धन गर्न सरकारसँग प्रभावकारीरूपमा काम गर्नुपर्ने बताए । उनले ‘ब्रेन डे«न’ रोक्न, उद्यमीहरूका लागि उचित वातावरण बनाउन आवश्यक रहेको उल्लेख गर्दै आइडिया स्टुडियोसँगको सहकार्यले नवीन सोच भएका युवालाई उद्यमी बन्न रचनात्मक सहयोग हुने बताए । परिसंघले अगाडि बढाइरहेको मेक इन नेपाल स्वदेशी अभियान, स्टार्टअप एवम् उद्यमशीलता प्रवर्द्धनसम्बन्धी गतिविधिबारे जानकारी गराउँदै उनले दुई संस्थाबीचको सहकार्यले यस क्षेत्रमा नवीनतम काम हुने विश्वास व्यक्त गरे ।

आईडिया स्टुडियोका अध्यक्ष लामाले परिसंघसँगको सहकार्यले नेपालमा उद्यमशीलता तथा लगानीका क्षेत्रमा नयाँ सम्भावनाको खोजी गर्दै नेपालमै केही गर्न सकिन्छ भन्ने वातावरण बनाउन आवश्यक रहेको बताए । देशमा केही गरौँ भन्नेहरूका लागि सीप तथा नीतिगत सुधारमा काम गर्नुपर्ने र परिसंघसँगको सहकार्यले उद्यमशीलता एवम् इनोभेसनका क्षेत्रमा थप काम गर्न सकिने उनको भनाइ छ । परिसंघका उपाध्यक्ष वीरेन्द्रराज पाण्डेले उद्यमशीलताको क्षेत्रमा सामूहिकरूपमा नयाँ काम हुने बताए । कार्यक्रममा परिसंघका महानिर्देशक दिपकराज जोशी, आईडीया स्टुडियोकी सदीक्षा श्रेष्ठलगायत सहभागी थिए ।