रिद्धिसिद्धि सिमेन्टको छात्रवृत्ति कार्यक्रम

काठमाडौं । रिद्धिसिद्धि सिमेन्टले मकवानपुर जिल्लालाई लक्षित गरी आयोजना गरेको ‘मकवानपुर स्मार्ट स्टुडेन्ट अफ द इएर २०८०’ को छात्रवृत्ति कार्यक्रममार्फत ११ जना विद्यार्थीलाई छात्रवृत्ति प्रदान गरेको छ । रोबोटिक ल्याबमा बनेको स्मार्ट सिमेन्ट रिद्धि सिद्धि सिमेन्ट लि. ले आयोजना गरेको छात्रवृत्ति कार्यक्रममा १०९ विद्यार्थीहरू सहभागी भएका थिए । एसईई परीक्षामा उपलब्ध अंक, दौड प्रतियोगिता साथै आईक्यु परीक्षामा सोधिएका सम्पूर्ण अंकहरू जोडी छात्रवृत्तिका लागि उत्कृष्ट ११ विद्यार्थीहरू छनोट गरिएको कम्पनीले जनाएको छ ।

छात्रवृत्ति कार्यक्रमअन्तर्गत कम्पनीले प्रथम हुने विद्यार्थीलाई मासिक पाँच हजार, दोस्रो हुनेलाई तीन हजार पाँच सय, तेस्रो हुनेलाई दुई हजार पाँच सय उपलब्ध गराउने भएको छ । साथै, सान्त्वनास्वरूप थप आठ विद्यार्थीलाई मासिकरूपमा एक हजार पाँच सय रुपैयाँ एक वर्षसम्म उपलब्ध गराउने निर्णय भएको कम्पनीले जनाएको छ ।

छात्रवृत्ति पाउने विद्यार्थीहरूमा प्रथम पुरस्कार पाउने ईशान्तकुमार मिश्र, दोस्रो पुरस्कार पाउने अंशु कुमारी र तेस्रो पुरस्कार पाउने रिजन कठायत रहेका छन् भने सान्त्वना पुरस्कार पाउने विद्यार्थीहरूमा शिवम् पटेल, भूषण दाहाल, भोलाकुमार साह कलवार, सुयोग अर्याल, दिपेश चौलागाईं, मनीषा कुमारी खड्का, जिज्ञासा पौडेल र विजय मोक्तान रहेका छन् ।

विद्यार्थीलाई प्रोत्साहन होस् भन्ने उद्देश्यले रिद्धिसिद्धि सिमेन्ट लिमिटेडको आयोजनामा सञ्चालन गरिएको ‘स्मार्ट विद्यार्थी, स्मार्ट मकवानपुर’ छात्रवृत्ति योजनाले विद्यार्थीहरूलाई पठनपाठनतर्फ आकर्षित गरेर स्मार्ट विद्यार्थी बन्न थप मनोबल पुग्ने कम्पनीको अपेक्षा छ ।