इन्फिनिटी लघुवित्तको खुद नाफा एक करोड ६७ लाख

काठमाडौं । इन्फिनिटी लघुवित्त वित्तीय संस्थाले आर्थिक वर्ष २०७९/८० मा एक करोड ६७ लाख २५ हजार चार सय ९८ रुपैयाँ खुद नाफा कमाएको छ । अघिल्लो आवमा भने संस्थाको यस्तो नाफा १० करोड ९२ लाख ३३ हजार पाँच सय १७ रुपैयाँ रहेको थियो ।

हाल चुक्ता पुँजी ४९ करोड ७४ लाख १५ हजार नौ सय ४२ रुपैयाँ रहेको संस्थाले आव २०७९/८० मा एक अर्ब ३१ करोड ९२ लाख ९८ हजार एक सय ४२ रुपैयाँ निक्षेप संकलन गरी चार अर्ब ३४ करोड दुई लाख ७० हजार एक सय ६४ रुपैयाँ कर्जा प्रवाह गरेको छ । सो अवधिमा २४ करोड ७२ लाख २७ हजार चार सय ५२ रुपैयाँ खुद ब्याज आम्दानी गरेको संस्थामा चार दशमलव ६४ प्रतिशत कर्जा निष्क्रिय रहेको छ भने स्प्रेडदर तीन दशमलव ४२ प्रतिशत रहेको छ ।

अघिल्लो आवमा भने संस्थाले एक अर्ब ४२ करोड नौ लाख ४० हजार पाँच सय ६९ रुपैयाँ निक्षेप संकलन गरी चार अर्ब ८९ करोड ४९ लाख ५९ हजार सात सय ८३ रुपैयाँ कर्जा प्रवाह गरेको थियो । उक्त अवधिमा ३४ करोड ४९ लाख ९५ हजार पाँच सय ६८ रुपैयाँ खुद ब्याज आम्दानी गरेको संस्थामा दुई दशमलव ९८ प्रतिशत कर्जा निष्क्रिय रहेको थियो भने स्प्रेडदर पाँच दशमलव ८६ प्रतिशत रहेको थियो ।