सेरेसको ‘युरोपेली ग्रान्ड टुर’

काठमाडौं । सेरेसले भर्खरै युरोपमा आफ्नो पहिलो ठूलो यात्रा पूरा गरेको छ । सेरेसले २३ दिनमा २१ देश हुँदै १० हजार किलोमिटरभन्दा बढी यात्रा गरेको हो । यस यात्राले सेरेसका नयाँ इलेक्ट्रिक मोडेलको लागि ठूलो परीक्षण गरेको छ ।

उक्त यात्रामा सेरेसले आफ्नो सवारीको रेन्ज, सेफ्टी र स्मार्ट ड्राइभिङ टेस्ट गरेको हो । कारको क्षमतालाई कडाइका साथ परीक्षण गर्ने र अनुभवहरू प्रदान गर्ने लक्ष्यका साथ, सेरेसले नेदरल्याण्डको एम्स्टर्डमबाट आफ्नो युरोपेली ग्रान्ड टुर सुरु गरेको थियो । २५ डिग्री सेल्सियससम्मको तापमानसहित लगभग १० वटा विभिन्न सडक अवस्थाहरू सेरेसले पार गरेको कम्पनीले जनाएको छ । कम्पनीको यो भ्रमण नर्वे, जर्मनी, इटाली, स्पेन, फ्रान्स र अन्य १६ अन्य युरोपेली देशहरू हुँदै नेदरल्याण्ड फर्केको थियो ।

कम्पनीका अनुसार यात्राभरी सेरेसले युरोपेली उपभोक्ताबाट उल्लेखनीय ध्यान प्राप्त गरेको थियो । फ्रान्स, इटाली र जर्मनीजस्ता देशमा स्थानीय मिडियाले पनि सेरेसको स्मार्ट ड्राइभिङ सुविधाहरूको अनुभव गर्दै टेस्ट ड्राइभ गरेका थिए । युरोपेली ग्रान्ड टुरको समयमा सेरेस उत्पादनको प्रदर्शनले विभिन्न अपेक्षाहरू पार गर्दै माटो, हिउँ, सहरी क्षेत्रहरू र अप्रतिबन्धित राजमार्गजस्ता चुनौतीपूर्ण भू–भागमार्फत १० हजार किलोमिटर यात्रा गर्दै उल्लेखनीय प्रदर्शन गरेको हो । सेरेसले युरोपका २१ देशहरूमा भ्रमण गर्दा ९५ प्रतिशत चार्जिङ सुविधाहरू सफलतापूर्वक प्रयोग गरेको दाबी गरेको छ । नेपालमा पनि यही भदौ २६ बाट सुरु हुने नाडा अटो सोमा सेरेसले आफ्नो सफल उत्पादन ‘सेरेस–३’ लाई सार्वजनिक गर्ने योजना बनाएको छ ।