एसयूभी ‘सेरेस–३’को मूल्य सार्वजनिक

काठमाडौं । एमएडब्लू ग्रुपले एसयूभी ‘सेरेस–३’ को मूल्य सार्वजनिक गरेको छ । नेपालमा सेरेस–३ इलेक्ट्रिक एसयूभीको मूल्य ४७ लाख ९९ हजार रुपैयाँदेखि ५२ लाख ९९ हजार रुपैयाँसम्म तोकिएको कम्पनीले जनाएको छ ।

कम्पनीका अनुसार कम्फर्ट भेरियन्टको सुरुवाती मूल्य ४७ लाख ९९ हजार रुपैयाँ र प्रिमियम भेरियन्टको सुरुवाती मूल्य ४९ लाख ९९ हजार रुपैयाँ रहेको बताइएको छ । यो मूल्य सीमित–समय र लिमिटेड स्टकहरूका लागि मात्र उपलब्ध हुने कम्पनीले जनाएको छ । लिमिटेड स्टक समाप्त भएपछि भने कम्फर्ट भेरियन्टको मूल्य ४९ लाख ९९ हजार रुपैयाँ र प्रिमियम भेरियन्टको मूल्य ५२ लाख ९९ हजार रुपैयाँ हुने बताइएको छ । एमएडब्लु वृद्धिका बिजनेस हेड प्रसन्न पन्तले सेरेसका अधिकांश उत्पादनहरू युरोपेली बजारमा निकासी हुने भएकाले ड्यास क्याम, स्पेयर टायर, अफलाइन म्याप न्याभीगेसन जस्ता धेरै विशेष सुविधाहरू यसमा रहेको बताए ।

यस्तै, कम्पनीले सेरेस–३ को अग्रिम बुकिङ समेत गर्न सकिने जनाएको छ । बुकिङका लागि भदौ २६ देखि सुरु हुने नाडा अटो सोको स्टल नम्बरः ए–६ मा सम्पर्क गर्न सकिने बताइएको छ । ब्रान्ड फाइनान्सद्वारा २०२३ मा विश्वको सबैभन्दा छिटो बढ्दो अटोमोटिभ ब्रान्डको रूपमा मान्यता प्राप्त सेरेसले २१ युरोपेली देशहरूमा उल्लेखनीय उपस्थिति जनाएको छ । साथसाथै अग्रणी टेक्नोलोजी जायन्ट हुवावेसँगको अटोमोटिभ उत्पादनमा पनि सेरेसको साझेदारी रहेको कम्पनीले जनाएको छ ।