५२ जना विद्यार्थीलाई प्राविधिक अध्ययन गर्न छात्रवृत्ति
दोलखा । जिल्लाको गौरीशंकर गाउँपालिकाले प्राविधिक विषय पढ्न चाहने विद्यार्थीलाई छात्रवृत्ति उपलब्ध गराएको छ । पालिकामा प्राविधिक जनशक्ति उत्पादनको लागि शैक्षिक अध्ययन छात्रवृत्ति कार्यक्रमअन्तर्गत् पालिकाले २० हजारदेखि दुई लाख रुपैयाँसम्मको छात्रवृत्ति प्रदान गरेको हो ।
गाउँपालिका अध्यक्ष विश्वास कार्कीले एक कार्यक्रमका बीच ५२ जना विद्यार्थीलाई सो छात्रवृत्ति हस्तान्तरण गरेका छन् । पालिकाले एमबीबी स्नातकतर्फ दुई जनालाई प्रतिविद्यार्थी दुई लाख, एमबीबी आयुर्वेद स्नातकतर्फ एक जनालाई दुई लाख र सिभिल इन्जिनियर स्नातकतर्फ एक जनालाई एक लाख रुपैयाँ छात्रवृत्ति प्रदान गरेको छ । यसैगरी, साइन्स स्नातक, वन विज्ञान स्नातक, बीएसजी स्नातक र बीएसजी नर्सिङ स्नातकतर्फ एक÷एक जनालाई प्रतिव्यक्ति ५० हजार रुपैयाँ दिएको छ ।
त्यस्तै, सिभिल इन्जिनियर डिप्लोमा पाँच जना, बालीविज्ञान डिप्लोमातर्फ आठ जना, पशु विज्ञान डिप्लोमातर्फ एक जना, पीसीएल नर्सिङ डिप्लोमातर्फ दुई जना, एचए डिप्लोमातर्फ दुई जना र ल्याब डिप्लोमातर्फ एक जनालाई प्रतिव्यक्ति २५ हजार रुपैयाँ प्रदान गरेको गाउँपालिकाले जनाएको छ । कम्युटर इन्जिनियर डिप्लोमातर्फ भने २५ जनालाई प्रतिविद्यार्थी २० हजार रुपैयाँ छात्रवृत्ति दिइएको हो ।
प्राविधिक अध्ययनका लागि पालिकाले १९ लाख पाँच हजार रुपैयाँ लगानी गरेको गौरीशंकर गाउँपालिका अध्यक्ष विश्वास कार्की बताए । अध्यक्ष कार्कीले गरिब तथा जेहेन्दार विद्यार्थीले आर्थिक अवस्था कमजोर भएकै कारण शिक्षाबाट बञ्चित हुन नपरोस् भन्ने उद्देश्यका साथ गाउँपालिकाले यो कार्यक्रम सञ्चालन गरेको जानकारी दिए ।
क्याटेगोरी : पालिका समाचार, गाउँ पालिका
ट्याग : #Page 8
ताजा अपडेट
- इजरेल किन अधीनस्थ वेस्ट ब्याङ्कमा बस्ती बसाउने काम रोक्दैन ?
- दुर्घटना अपडेटः बसको ठक्करबाट घाइते महिलाको पनि मृत्यु
- उदाउँदो चन्द्रमालाई अघ्र्य दिँदै चौठचन्द्र पर्व सम्पन्न
- राजनीतिक परिवर्तनप्रति कर्मचारीहरुले गरेको योगदान प्रशंसायोग्य छ :प्रधानमन्त्री
- हरितालिका (तीज) : पशुपतिनाथलगायत देशभरका शिवालयमा बिहानैदेखि भीड
- संयुक्त राष्ट्रसङ्घको महासभामा भाग लिन प्रधानमन्त्री ओली न्यूयोर्क जानुहुने
- जेष्ठ नागरिकको अवस्था
- नेपालको वैदेशिक व्यापारमा चुनौतीहरू
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया