नाडा अटो सोमा फोर्स अरबानिया सार्वजनिक

काठमाडौं । नेपालका लागि फोर्स मोटर्सको आधिकारिक आयातकर्ता आयाम इन्टरकन्टिनेटल प्रालिले नाडा अटो सो मा अरबानिया भ्यान सार्वजनिक गरेको छ । यस्तै, कम्पनीले बुकिङ खुला गरी बिक्री वितरणको समेत शुभारम्भ गरेको जनाएको छ ।

कम्पनीका अनुसार यस भ्यान नेपालमा आयातित माइक्रोबसमध्येमा सबैभन्दा प्रिमियम सुविधायुक्त रहेको छ । यो भ्यान विश्व प्रसिद्ध मर्सिडिज बेन्जको डिजाइनमा बनेको तथा सोही कम्पनीको इन्जिन, गेयरबक्स तथा एक्सल जडान गरिएको छ । आकर्षक र सुविधा सम्पन्न देखिएको माइक्रोबसमा १५ र १८ सिट क्षमतामा उपलब्ध छन ।

१५ सिट भ्यानको मूल्य ८२ लाख ९९ हजार र १८ सिटको भ्यानको मूल्य ८६ लाख ९९ हजार रुपैयाँ तोकिएको कम्पनीले जनाएको छ । यो मूल्य केही समयका लागि मात्र लागू हुने कम्पनीको भनाइ छ । साथै, नाडा अटो सोमा बुकिङ गर्नेका लागि आकर्षक छुट सुविधा समेत उपलब्ध हुने बताइएको छ ।