हिम इलेक्ट्रोनिक्सको इन्डो–एसियन मिट

काठमाडौं । नेपालमा इन्डो–एसियन उत्पादनको आधिकारिक वितरक हिम इलेकट्रोनिक्सले काठमाडौंमा इन्डो एसियन मिट २०२३ सम्पन्न गरेको छ । यस अवसरमा कम्पनीले आफ्नो नयाँ सिरिजको वायरिङ एक्सेसरिज (मोदुलर स्विच) साइनोरा नेपाली बजारमा ल्याएको छ ।

गोल्छा ग्रुपका उपाध्यक्ष प्रभाकर शमशेर थापा र इन्डो–एसियनका इन्टरनेसनल मार्केटिङ जोनल हेड विपिन गुप्ताले संयुक्तरूपमा इन्डो एसियन स्टाइलिस मोदुलर स्विचको नयाँ सिरिज, साइनोराको अनावरण गरेका थिए । यस्तै, उनीहरूले नेपाल र भारतका इन्डो–एसियन ब्रान्ड र यसका उत्पादनबारे विभिन्न जानकारीमूलक प्रस्तुतिहरू पेश गरेका थिए । गोल्छा ग्रुपले नेपाली बजारमा इन्डो–एसियनको उत्पादनहरू मुख्यतया एमसीबी र डिस्ट्रिब्युसन बोर्ड तथा अन्य इलेक्ट्रिकल कम्पोनेन्टहरू बिक्री वितरण गर्ने गरेको छ ।