सिप्रदी र दराजबीच सहकार्य

काठमाडौं । टाटा जेन्युइन पार्ट्स र टाटा मोटर्स जेन्युइन आयलको नेपालको बिक्रेता सिप्रदी अटोपार्टस प्रालि र अनलाइन स्टोर दराजबीच सहकार्य गर्ने सम्झौता भएको छ । सम्झौतापश्चात् दराजमा टाटा जेन्युइन पार्ट्स र टाटा मोर्टस जेन्युइन आयल उपलब्ध हुन थालेको छ ।

काठमाडौंस्थित हायात प्यालेस होटेलमा आयोजित एक कार्यक्रममा सिप्रदीका सिनियर जेनरल म्यानेजर युवराज बुढाथोकी र दराज अनलाइन स्टारका व्यापार अधिग्रहण तथा आवरण प्रमुख नवीन रानामगरले सम्झौतामा हस्ताक्षर गरेका थिए । सिप्रदीका प्रमुख कार्यकारी अधिकृत राजनबाबु श्रेष्ठ र टाटा मोटर्सका अन्तर्राष्ट्रिय व्यापार प्रमुख राकेश मित्तलको प्रमुख उपस्थितिमा सो सम्झौता भएको हो । अब टाटा मोटर्सका ग्राहकले छिटो छरितो र सहजरूपमा टाटा जेन्युइन पार्ट्स तथा टाटा मोटर्स जेन्युइन आयल खरिद गर्न सक्नेछन् । यसबाट ग्राहकहरू नक्कली पार्टपुर्जाबाट ठगिन पर्ने अवस्था नरहने र उचित मूल्यमा जेन्युइन पार्ट्सहरू प्राप्त गर्न सक्ने कम्पनीको भनाइ छ ।