बुलिङ एयर ईभीको स्टलमा ग्राहकको घुइँचो
काठमाडौं । नेपाली बजारमा बुलिङ एयर ईभी बिक्री–वितरण गरिरहेको बज्र ग्रुपअन्तर्गतको ईभी नेपाल मोटर्सले नाडा सोमा राखेको स्टलमा ग्राहकको भीड लागेको छ । अहिलेसम्म ५९ वटा बुलिङ एयर ईभीको बुकिङ भइसकेको कम्पनीले जनाएको छ । यस्तै, सोको अन्तिम दिनसम्ममा एक सय वटा बुलिङ एयर ईभीको बुकिङ हुने कम्पनीको विश्वास रहेको छ ।
कम्पनीले फरक शैलीमा स्टल राखेर आउने ग्राहकलाई बाई वान गेट वान सुविधा समेत उपलब्ध गराएको जनाएको छ । कम्पनीका अनुसार तीन सय किमि बुलिङ किन्ने ग्राहकले थाइल्याण्ड भिजिट अवसर पाउने कम्पनीले जनाएको छ । ग्राहकले बुलिङको स्टलबाट त्यही बसेर ईएमआई १७, ९, २५ फाइनान्सको सुविधा, गाडी एक्सचेन्जको सुविधा समेत पाउने कम्पनीले जनाएको छ । बुलिङ एयर ईभी दुई सय र तीन सय किलोमिटर रेन्ज दिने दुई भेरिएन्टमा उपलब्ध रहेका छन् । यसको मूल्य क्रमशः २० लाख ९९ हजार र २६ लाख ९९ हजार रुपैयाँ रहेको बताइएको छ । बुलिङ एयर ईभी फोर सिटर र थ्री डोर ह्याचब्याक हो । सिटी ड्राइभिङका लागि उपयुक्त सो इलेक्ट्रिक कार ३० किलोवाट क्षमताको छ भने यसमा भएको लिथियम आइरन फस्फेट ब्याट्रीले तीन सय किलोमिटरसम्मको रेन्ज दिने बताइएको छ ।
अत्याधुनिक उपकरण प्रयोग गरिएको र उकालो तथा ओरालो जस्तोसुकै कठिन सडकमा पनि यसलाई चलाउन सकिन्छ । रिमोटबाटै सञ्चालन गर्न सकिने, सजिलै घरमा चार्ज गर्न सकिने र एक सय रुपैयाँ खर्चमा तीन सय किलोमिटर चलाउन सकिने यो इलेक्ट्रिक कार चढ्दा खर्चको बचत हुने, इन्धन हाल्न नपर्ने, सर्भिस र पार्ट्स खर्च नहुने तथा वातावरण समेत स्वच्छ राख्न सहयोग पुग्ने कम्पनीको भनाइ छ । कम्पनीले नेपाली बजारमा छिटै अर्को नयाँ मोडेल बुलिङ विङ्गो फोर डोर ईभी पनि नेपालमा सार्वजनिक गर्ने तयारी गरेको कम्पनीका एसिस्टेन्ट जेनेरल म्यानेजर एन के शरदले जानकारी दिए ।
कम्पनीले नाडा अटो सोको स्टलमा जनकपुरधाम, कुमारी, स्वयम्भु, बसन्तपुर दरवार, डमरु इत्यादिको प्रदर्शनी समेत राखेको छ । देशको संस्कृतिको जगेर्ना गर्ने र देशमा आन्तरिक तथा बाह्य पर्यटन प्रवर्द्धन होस् भनेर कम्पनीले सो तस्बीर प्रदशनीमा राखेको जनाएको छ ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- इजरेल किन अधीनस्थ वेस्ट ब्याङ्कमा बस्ती बसाउने काम रोक्दैन ?
- दुर्घटना अपडेटः बसको ठक्करबाट घाइते महिलाको पनि मृत्यु
- उदाउँदो चन्द्रमालाई अघ्र्य दिँदै चौठचन्द्र पर्व सम्पन्न
- राजनीतिक परिवर्तनप्रति कर्मचारीहरुले गरेको योगदान प्रशंसायोग्य छ :प्रधानमन्त्री
- हरितालिका (तीज) : पशुपतिनाथलगायत देशभरका शिवालयमा बिहानैदेखि भीड
- संयुक्त राष्ट्रसङ्घको महासभामा भाग लिन प्रधानमन्त्री ओली न्यूयोर्क जानुहुने
- जेष्ठ नागरिकको अवस्था
- नेपालको वैदेशिक व्यापारमा चुनौतीहरू
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया