टीभीएसद्वारा च्याम्पियन्स एक्सचेन्ज मेलाको आयोजना

काठमाडौँ । नेपालका लागि टीभीएसको आधिकारिक वितरक कम्पनी जगदम्बा मोटर्सले च्याम्पियन्स एक्स्चेन्ज मेलाको आयोजना गरेको छ । सोमबारदेखि काठमाडौंको भृकुटीमण्डपमा सुरु भएको यो मेला असोज ६ गतेसम्म चल्ने बताइएको छ ।

यस मेलामार्फत ग्राहकले कुनै पनि ब्राण्डका पुरानो बाइक तथा स्कुटर एक्सचेन्ज गर्दा आर्कषक छुट तथा उपहारहरू पाउने कम्पनीले जानकारी दिएको छ । यस मेलामा सहभागी हुने ग्राहकले आफ्नो पुरानो बाइक तथा स्कुटर एक्सचेन्ज गरेर टीभीएसको दुईपाङ्ग्रे सवारी साधन लिँदा बजार मूल्याङ्कनभन्दा १० हजार रुपैयाँ बढी मूल्य पाउने छन् । यस्तै, मेलामार्फत नै उपभोक्ताले कम्पनीद्वारा दशैँ तथा तिहारको अवसरमा सार्वजनिक ‘हर मोडमा उमङ्ग’ योजनाअन्तर्गत, नकिन्दै एक लाख र किन्दा नगद पाँच लाख रुपैयाँसम्मको नगद छुट पनि पाउन सक्ने व्यवस्था रहेको छ । साथै, हरेक महिना लक्की ड्रमार्फत शत प्रतिशत क्यासब्याक पनि जित्न सक्नेछन् भने एक भाग्यशाली विजेतालाई बम्पर उपहार १० लाख रुपैयाँ नगद पुरस्कार पाउने कम्पनीले जनाएको छ ।

यो योजनामा आकर्षक फाइनान्स अफर पनि समावेश हुने बताइएको छ । जसअन्तर्गत न्यूनतम २५ प्रतिशत डाउनपेमेन्ट र शून्य प्रतिशत ब्याजदरको ईएमआईमा इच्छुकले बाइक तथा स्कुटर खरिद गर्न सक्ने बताइएको छ । यसबाहेक ग्राहकले हेलमेट, बाइक कभर र ब्यागजस्ता आकर्षक उपहारहरू पनि प्राप्त गर्न सक्ने बताइएको छ ।