साधना लघुवित्तको नाफा खुम्चियो

काठमाडौं । साधना लघुवित्त वित्तीय संस्थाको खुद नाफामा संकुचन आएको छ । संस्थाले आर्थिक वर्ष २०७९/८० मा दुई करोड ७९ लाख ४२ हजार पाँच सय ६४ रुपैयाँ खुद नाफा कमाएको छ । संस्थाले कमाएको यो नाफा अघिल्लो आवको तुलनामा झण्डै १० करोड रुपैयाँले कम हो । अघिल्लो आवमा संस्थाले १२ करोड २० लाख ६४ हजार छ सय २४ रुपैयाँ खुद नाफा कमाएको थियो ।

संस्थाको चुक्ता पुँजी हाल १८ करोड २२ लाख ५८ हजार तीन सय ४५ रुपैयाँ रहेको छ । संस्थाले आव २०७९/८० मा एक अर्ब २८ करोड ३७ लाख ८५ हजार तीन सय ५७ रुपैयाँ निक्षेप संकलन गरी पाँच अर्ब आठ करोड ८४ लाख ६२ हजार पाँच सय ९३ रुपैयाँ कर्जा प्रवाह गरेको छ । सो अवधिमा २४ करोड ५३ लाख एक हजार एक सय ८४ रुपैयाँ खुद ब्याज आम्दानी गरेको संस्थामा तीन दशमलव ७७ प्रतिशत कर्जा निष्क्रिय रहेको छ । वितरणयोग्य नाफा २७ लाख ६२ हजार नौ सय ४४ रुपैयाँ रहेको संस्थामा तीन दशमलव ४४ प्रतिशत स्प्रेडदर रहेको छ । अघिल्लो आवमा भने संस्थाले एक अर्ब ३४ करोड २१ लाख ९० हजार चार सय २६ रुपैयाँ निक्षेप संकलन गरी पाँच अर्ब ४२ करोड ६५ लाख २९ हजार एक सय १९ रुपैयाँ कर्जा प्रवाह गरेको थियो । उक्त अवधिमा ३३ करोड एक लाख एक हजार सात सय ६९ रुपैयाँ खुद ब्याज आम्दानी गरेको संस्थामा दुई दशमलव २५ प्रतिशत कर्जा निष्क्रिय रहेको थियो भने स्प्रेडदर छ दशमलव २४ प्रतिशत रहेको थियो ।