चारपर्व नजिकिएसँगै उपत्यकाका विभिन्न स्थानमा धनमाल चोरी

काठमाडौं । चाडपर्व नजिकिएसँग उपत्यकाका विभिन्न स्थानमा धनमाल चोरी हुन थालेको छ । प्रहरीका अनुसार बुधबार राति उपत्यकाका विभिन्न स्थानका स्थानका घरभित्रबाट धनमाल चोरी भएको हो ।

प्रहरीका अनुसार ललितपुर, महालक्ष्मी नगरपालिका–१ भैरबटोल डेरा गरी बस्ने काठमाडौं महानगरपालिका–२७ घर भएकी ३३ वर्षीया मिना श्रेष्ठको कोठाबाट सुन चाँदीका गहना र नगद १० हजार रूपैयाँ गरी करिब ६ लाख १७ हजार २ सय रूपयाँ बराबरको धनमाल बुधबार दिउँसो चोरी भएको छ ।

काठमाडौं, टोखा नगरपालिका–९ गोगंबु चोक डेरा गरी बस्ने गोरखा पालुङटार नगरपालिका–५ घर भएका ४५ वर्षीय बाबुराम देवकोटाको चहाना उज्वल एक्सपर्ट ईम्पोर्ट प्राईभेट लिमिटेडको कार्यालयबाट ल्यापटप एक थान, प्रोजेक्टर एक थान र क्वान्टम म्याग्नेटिक एनालाईजर एक थान गरी करिब दुई लाख ६० हजार रूपैयाँ बराबरको धनमाल बुधबार राति चोरी भएको छ ।

त्यसैगरी, काठमाडौंस्थित तारकेश्वर नगरपालिका–७ फुटुङ नागपोखरी बस्ने ४० वर्षीय राम कुमार लुङ्गेली मगरको घरबाट सुनका विभिन्न गहना र नगद २० हजार रूपैयाँ गरी करिब एक लाख ३० हजार रूपैयाँ बराबरको धनमाल बुधबार राति चोरी भएको छ । प्रहरीले चोरीमा संलग्न फरार व्यक्तिहरूको खोजी गर्नुको साथै यस सम्बन्धमा आवश्यक अनुसन्धान गरिरहेको जनाएको छ ।