सामसङ मोबाइल किन्दा नौ जनालाई स्कुटर

काठमाडौं । सामसङ नेपालले ‘सामसङ मोबाइल च्याप्पै, स्कुटर झ्याप्पै’ दशैं कन्जुमर प्रमोसन योजनाका नौ जना भाग्यशाली विजेताको घोषणा गरेको छ । नौ जना विजेताहरूले सामसङ मोबाइल किन्दा एक÷एकवटा टीभीएस एक सय २५ सीसी स्कुटर जितेका छन् ।

सो विजेतालाई असोज दुईदेखि असोज १५ सम्मको प्रवद्र्धनात्मक अवधिमा सामसङ स्मार्टफोन वा ट्याब्लेट खरिद गर्ने सहभागीहरूको समूहबाट छनोट गरिएको हो । हरेक वर्षजस्तै यो वर्ष पनि सामसङले दशैं कन्जुमर प्रमोसन योजना सञ्चालन गरेको छ । सुरुवात भएदेखि नै यो योजना निकै लोकप्रिय भएको कम्पनीको दाबी छ । यस्तै, असोज ५ र असोज ७ का दुई विजेताले आफ्नो स्कुटर दाबी समेत गरिसकेका छन् । सो विजेताहरू ताम्राकार कम्प्लेक्सको स्मार्ट जोन मोबाइल एण्ड एसेसरिजबाट सामसङ ग्यालेक्सी एम १४ फाइभजी खरिद गरेकी ललितपुरको कुमारीपाटीकी लीला गमाल र भक्तपुरको स्मार्ट टेक जोन इन्टरप्राइजेजबाट सामसङ ग्यालेक्सी ए२४ खरिद गरेकी भक्तपुरकी जेनी भलान्द्यो रहेका छन् ।

यो योजना अझै निरन्तर रहेको कम्पनीले जनाएको छ । कम्पनीका अनुसार अझै पनि १३ वटा स्कुटर जित्न बाँकी नै छ । कुनै पनि सामसङ स्मार्टफोन वा सामसङ ट्याब्लेट खरिद गरी ती स्कुटर जित्न सकिने बताइएको छ । यो योजना कात्तिक ३ गतेसम्म रहने कम्पनीले बताएको छ ।