‘वान बाइ मेट लाइफ मेला’को प्रतिबद्धता

काठमाडौं । मेट लाइफ नेपालले आफ्ना सबै एजेन्टहरूका लागि ‘वान बाइ मेटलाइफ मेला’को आयोजना गरेको थियो । जसले ग्राहकलाई सेवा दिने र उनीहरूलाई स्वस्थ, लामो जीवन जिउन मद्दत गर्ने साझा प्रतिबद्धतालाई सुदृढ गरेको कम्पनीले जनाएको छ ।

वान बाई मेटलाइफमार्फत मेटलाइफ नेपालले नेपालीहरूका लागि पहिलोपटक डिजिटल बीमा र स्वास्थ्य सेवा ल्याएको जनाएको छ । एजेन्टका लागि मेटलाइफले मेलामा एपका बारेमा प्रत्यक्ष प्रदर्शनहरू, सुविधाहरूको ब्रिफिङ र ह्यान्ड–अन सत्रहरूको बारेमा जानकारी प्राप्त गराएको थियो । एपको प्राथमिक उद्देश्य परिवर्तनकारी सुविधाका बारेमा समर्पित एजेन्टलाई सशक्त र शिक्षित गर्नु रहेको बताइएको छ । जसले गर्दा उनीहरूले स्वस्थ र अधिक सुरक्षित भविष्यको लागि अत्याधुनिक बीमा र स्वास्थ्य सेवाहरू पहुँच गर्न ग्राहकलाई मार्गदर्शन दिन सक्नेछन् । यस कार्यक्रमले मेटलाइफ नेपालले आफ्ना एजेन्टहरूको व्यावसायिक विकास र ग्राहकलाई उत्कृष्ट सेवा प्रदान गर्ने क्षमतालाई पनि जोड दिएको छ ।

मेटलाइफ नेपालका उपाध्यक्ष तथा महाप्रबन्धक निर्मलकाजी श्रेष्ठले भने, ‘मेटलाइफ रमाइलो सिकाइ अनुभवहरूको शक्तिमा विश्वास गर्छ, त्यसैले हामीले यस मेलामा आवश्यक ज्ञानसहित रमाइलो गतिविधिहरू मिसाएका छौँ । उत्कृष्ट प्रविधि र हाम्रो सक्रिय टोलीलाई सँगै ल्याएर, हामी हाम्रा ग्राहकलाई लामो समयसम्म स्वस्थ बाँच्न र थप आत्मविश्वासी भविष्य निर्माण गर्नका लागि कदम चाल्न प्रेरित गर्ने आशा गर्छौँ ।