सगरमाथा लुम्बिनीको कर्मचारीहरुको दक्षता अभिवृद्धि कार्यक्रम

काठमाडौं । सगरमाथा लुम्बिनी इन्स्योरेन्सले मधेश प्रदेशमा कार्यरत कर्मचारीहरुको पेसागत दक्षता अभिवृद्धि गरेको छ । कम्पनीले यही असोज २६ र २७ गते मधेश प्रदेशको राजधानी जनकपुरमा मधेश प्रदेशमा कार्यरत कर्मचारीहरुको पेसागत दक्षता अभिवृद्धि गर्ने उद्देश्यका साथ प्रशिक्षण कार्यक्रम आयोजना गरेको जानकारी दिएको छ ।

नेपाल बीमा प्राधिकरण मधेस प्रदेश कार्यालय प्रमुख कुशुम शर्माको प्रमुख आतिथ्यतामा सम्पन्न भएको उक्त प्रशिक्षण कार्यक्रमका सहभागीहरुलाई सगरमाथा लुम्बिनी इन्स्योरेन्स कम्पनीका नेसनल कोअर्डिनेटर, प्रदेशप्रमुख, विभागीय प्रमुखहरुले आ–आफ्नो प्रस्तुतीकरण दिएका थिए । मार्केटिङ, अन्डरराइटिङ, दाबी, मानव संशाधन, ब्रान्डिङ र ग्राहक सेवालगायतका विषयहरुको प्रस्तुतीकरणले समग्र मधेश प्रदेशमा कार्यरत कम्पनीका कर्मचारीहरुमा ज्ञान र उत्साहको सञ्चार भएको कार्यक्रमका सहभागीहरुले बताएका छन् ।