नेपालले दोस्रो जित दर्ता गरायो

काठमाडौँ । बिहीबार राजधानीमा भएको त्रिकोणात्मक ट्वान्टी–२० क्रिकेट खेलमा नेपालले हङकङलाई ६ विकेटले पराजित गरेको छ । हङकङले प्रस्तुत गरेको ९५ रनको विजयी लक्ष्य पच्छ्याएको नेपालले १३ दशमलव ५ ओभरमा ४ विकेट गुमाउँदै पूरा गर्यो । नेपालले जारी प्रतियोगितामा यो जितसँगै लगातार दोस्रो जित दर्ता गराएको छ ।

हिजो बुधबार भएको पहिलो खेलमा नेपालले संयुक्त अरब इमिरेट्स (युएई)लाई सात विकेटले पराजित गरेको थियो । नेपालका लागि आसिफ शेखले सर्वाधिक ४२ रनको योगदान गरे । उनले ३४ बलमा ६ छक्कासहित ४२ रनको योगदान दिएका हुन् । कप्तान रोहितकुमार पौडेलले अविजित २५ रन बनाए भने गुल्सन झाले अविजित १४ रन जोडे ।

कुशल भुर्तेल ८ रनमा आउट भए । उनलाई हङ्कङका बलर एहसान खानले बोल्ड गरेका हुन् । हङकङका लागि एहशान खानले तीन विकेट लिए भने यासिम मुर्ताजाले एक विकेट झारे । हङकङका लागि यासिम मुर्ताजा सर्वाधिक ३६ बनाए । जिशन अलीले १७ रन बनाउनु बाहेक अन्य खेलाडीले दोहोरो अंकमा रन जोड्न सकेनन् ।

हङकङलाई ९४ रनमा समेट्नेक्रममा नेपालका करण केसीले चार विकेट लिए भने अविनाश बोहरा र सोमपाल कामीले समान दुईरदुई विकेट लिए । त्यस्तै कुशल मल्ल र श्याम ढकाल ९मौसम०ले समान एकरएक विकेट लिए ।