भूकम्प प्रभावितलाई युनिलिभरको राहत

काठमाडौं । युनिलिभर नेपालले पश्चिम नेपालका भूकम्प प्रभावितलाई राहत प्रदान गरेको छ । कम्पनीले जाजरकोट र पश्चिम रुकुममा भूकम्पबाट प्रभावित क्षेत्रमा अत्यावश्यकीय सहायता सामग्रीहरू उपलब्ध गराएको जनाएको छ ।

युनिलिभर नेपालले हर्लिक्स, सुप, औषधी र औषधोपचार सामग्री, ७०० थान ब्ल्याङ्केटहरू, दुई सय ५० थान पालहरू र स्थानीयरूपमा खरिद गरिएका थप खाद्यान्नहरू जाजरकोट र रुकुम जिल्लामा वितरण गरेको हो । युनिलिभर नेपालले स्थानीय निकायहरू, संघसंस्थाहरू, संगठनहरू र समुदायहरूसँग समन्वय गरेर राहत सामग्री वितरणको कार्य प्रभावकारी ढंगले गरिरहेको जनाएको छ ।