टाटा प्यासेन्जर भेहिकलको नयाँ वर्कसप कपनमा

काठमाडौं । टाटा मोटर्सको वितरक सिप्रदी ट्रेडिङ प्रालिले काठमाडौंको कपनमा टाटा मोटर्स पेसेन्जर सेग्मेन्टका गाडीलाई लक्षित गर्दै नयाँ वर्कसप सञ्चालनमा ल्याएको छ । करिब ११ हजार आठ सय ८० वर्ग मिटर क्षेत्रफलमा फैलिएको उक्त वर्कसपको सिप्रदी कम्पनिजका प्रमुख कार्यकारी अधिकृत राजनबाबु श्रेष्ठ र टाटा मोटर्स पेसेन्जर भेहिकल इन्टरनेसनल बिजनेस हेड मायाङ्क बल्डीले उद्घाटन गरेका थिए ।

नयाँ वर्कसपमा पेसेन्जर सेग्मेन्टका गाडीहरूको हरेक पार्टपुर्जाको (इन्जिन, चक्का, सस्पेन्सन, एसी, आदि) मर्मत सम्भारलगायत डेन्ट पेन्टको पनि सुविधा रहेको छ । यस वर्कसपमा पेसेन्जर सेग्मेन्टका गाडीहरूको हरेक पार्टपुर्जाको (इन्जिन, चक्का, सस्पेन्सन, एसी, आदि) मर्मत सम्भारलगायत डेन्टपेन्टको पनि सुविधा रहेको छ । यस्तै, विशेषतः विद्युतीय गाडीको (ईभी) चेकजाँचको लागि विशेषज्ञ प्राविधिकहरूको व्यवस्था गरिएको छ । यस्तो व्यवस्थाअन्तर्गत ३० किलोवाट क्षमताको डिसी फास्ट चार्जिङ स्टेसन, चारवटा ७.२ किलोवाट क्षमताको एसी फास्ट चार्जिङ स्टेसन र आठ वटा ३.३ किलोवाट क्षमताको एसी स्लो स्टेसनलगायत बाह्रवटा ‘बे हरू’ रहेका छन् । यस वर्कसपमा अटोप्लस बीमा, सञ्जीवनी इन्जिन रिपेयर, एक्सप्रेस (४८ घण्टा भित्र मर्मत) र इन्टेरिएर क्लिनिङ–वासिङजस्ता सुविधाहरू प्राप्त गर्न सकिनेछ ।