जीपी कोइराला फाउन्डेसन अमेरिकाका अध्यक्ष घिमिरे सम्मानित

काठमाडौं । गिरिजाप्रसाद कोइराला फाउन्डेसन अमेरिकाका अध्यक्ष सोमनाथ घिमिरे मानवीय पुरस्कार ग्लोबलबाट सम्मानित भएका छन् । मानवीय पुरस्कार ग्लोबल–घानाले घिमिरेलाई सो पुरस्कार प्रदान गरेको हो ।

मानवीय पुरस्कार ग्लोबलका प्रबन्ध निर्देशक रेन्डी डन्क्वाहले घिमिरेको नेतृत्वमा संस्थाले विशेषगरी कोरोना कहरका बेला निःस्वार्थ धेरै क्षेत्रमा सहयोग गरेकाले ‘मानवीय पुरस्कार ग्लोबल’बाट सम्मानित गरिएको बताए । मानवीय पुरस्कार ग्लोबल–घानाले प्रत्येक वर्ष विश्वभरबाट समाजमा सकारात्मक प्रभाव पारेका मानिसहरूलाई छनौट गरेर यो पुरस्कार दिने गरेको छ । यस वर्ष २०२३ मा विश्वभरिबाट ४८ जनाले मानवीय पुरस्कार ग्लोबलले सम्मान गरेको आयोजकले जनाएको छ । यस्तै, फाउन्डेसन अमेरिकाका अध्यक्ष घिमिरेलाई घानाका लागि लेबनानका राजदूत महेर खीरले ‘रूपान्तरण नेतृत्व पुरस्कार’ले सम्मान गरेका थिए ।