एक युवाको हत्यामा संलग्न महिला पक्राउ

काठमाडौं । अछाममा १८ वर्षीय किशोरको हत्या भएको घटनामा संलग्न एक महिला पक्राउ परेकी छन् । उक्त घटना अभियोगमा फरार रहेकी अछाम पञ्चदेवल बिनायक नगरपालिका घर भएकी ३० वर्षीया लक्ष्मी सुनारलाई काठमाडौंबाट बुधबार प्रहरीले पक्राउ गरेको हो ।

पञ्चदेवल बिनायक नगरपालिका–८ बस्ने १८ वर्षीय दिपेन्द्र बहादुर शाहीको गत कात्तिक १७ गते बिहान हत्या गरी फरार रहेकी उनलाई काठमाडौं उपत्यका अपराध अनुसन्धान कार्यालय मिनभवन काठमाडौंबाट खटिएको प्रहरीले काठमाडौंस्थित माछापोखरीबाट पक्राउ गरेको हो । प्रहरीले उनलाई आवश्यक कारबाहीको लागि जिल्ला प्रहरी कार्यालय अछाम पठाइएको जनाएको छ ।