‘लकडाउन’मा ट्राफिकमैत्री बोर्ड निर्माण कार्य धमाधम हुँदै
काठमाडौं, जेठ १
महानगरीय ट्राफिक प्रहरी महाशाखाले लकडाउनको अवधिमा ट्राफिकमैत्री सडक निर्माण र मर्मत कार्य धमाधम गरिरहेको छ । महाशाखाले काठमाडौँ उपत्यकाको भित्री सडकबाट मुख्य सडकहरू निस्कने जक्सनमा पर्ख, हेर र जाऊ (स्टप, लुक एण्ड गो) लेखिएको संकेत बोर्डहरू दुई सय ५० स्थानमा राखेको जनाएको छ ।
महाशाखाले यस्ता बोर्डहरू शंखमुल, बानेश्वर, कोटेश्वर, थापागाउँ, अनामनगर, गौशाला, डिल्लीबजार, पुत्तलीसडक, कमलपोखरी, लाजिम्पाट, सोह्रखुट्टे, कालीमाटी, कंलकी, जावालाखेल, चापागाउँ आदि स्थानका सडकहरूमा राखेको जानकारी दिएको छ । ट्राफिक प्रहरी र कामदारहरूबीच भौतिक तथा समाजिक दूरी कायम राख्दै उच्च सतर्कता र सुरक्षाका उपायहरू अपनाउँदै काम भइरहेको महाशाखाका प्रमुख प्रहरी वरिष्ठ उपरीक्षक भीमप्रसाद ढकालले बताए । एसएसपी ढकालले सवारी चालकले भित्री सडकबाट मुख्य सडकहरूमा निस्कँदा पर्ख, हेर र जाऊ भन्ने ट्राफिक नियमको पालना नगर्दा त्यस्ता चोक जक्सनमा हुने सवारी दुर्घटना तथा ट्राफिक जामलाई न्यूनीकरण गर्न र चालकहरूलाई स्वअनुशासित बनाउन यस्ता संकेत बोर्डहरू राखेको जानकारी दिए ।
उक्त बोर्डहरू नाडा अटोमोवाइल्स एसोसियसन अफ नेपालले ५० थान र ग्लोबल आईएमई बैंकले २०० थान सामाजिक उत्तरदायित्वअन्तर्गत महाशाखालाई हस्तान्तरण गरेका हुन् । सडक मर्मत तथा निर्माणका काम पनि धमाधम लकडाउनको समयमा सडक खालि भएको र गाडी नरोकी काम गर्न सहज हुने भएकाले ट्राफिकमैत्री सडक मर्मत तथा निर्माणका लागि महाशाखाले सरोकारवाला निकायहरूसँग नियमितरूपमा सहकार्य र समन्वय गरेको जनाएको छ ।
हाल सितापाइला–रामकोट, स्वयम्भू अजिमा हलअगाडि, भैसेपाटी–छम्पी, लुभु–लामाटार, चावहिल उकालो, जोरपाटी–वाग्मती कोरिडर सडकखण्डमा सडक मर्मत तथा पिचका काममा समन्वय र सहजीकरण भैरहेको महाशाखाका प्रवक्ता प्रहरी उपरीक्षक जीवनकुमार श्रेष्ठले बताए ।
त्यस्तै थलीबाट साँखु, नाम्गेल, जोरपाटी–गुहेश्वरी, खानी विभाग–गल्कोपाखा, चुच्चेपाटी, पुतलीसडक, अष्ट्रेलियन एम्बेसीअगाडि, चावहिल–मित्रपार्कका सडकखण्डहरूमा ढल, खानेपानी तथा फुटपाथका निर्माण, गौशाला–तिलगंगा, सेतोपुल–डिल्लीबजार र सेतोपुल–पुरानो बानेश्वर सडकखण्डमा रोड मार्किङ, इमाडोल–टिकाथली सडकमा पुल निर्माण र कपनको एनसेल चोक–देउवाचोक सडकखण्डमा टेलिकमको काम, चुच्चेपाटी–चावहिल सडकखण्डमा मेलम्ची र विद्युत्को कामसमेत ट्राफिक प्रहरीको समन्वय एव सहजीकरणमा भइरहेको जानकारी दिए । उपत्यकाका सडकहरू लकडाउन सकिँदासम्म निकै चुस्त अवस्थामा हुने प्रवक्ता एसपी श्रेष्ठले बताए । ट्राफिक महाशाखा र सडक विभागले काठमाडौँ उपत्यकाका धेरै सडक खण्डहरूमा सडक पिच र रोड मार्किङको काम सम्पन्न गरिसकेको जनाएका छन् ।
क्याटेगोरी : समाचार
ताजा अपडेट
- ‘न्यायालयप्रति विश्वास छ, सघाउँछौँ’
- वीरगञ्जको घडीअर्वा पोखरीमा छठको तयारी थालियो
- थुनुवा मृत अवस्थामा फेला
- उपहारमा पाएको जग्गामा एमालेले कति कर तिर्नुपर्ने हुन्छ?
- केही स्थानमा हल्कादेखि मध्यम वर्षाको सम्भावना
- सुक्खाबन्दरगाहद्वारा तीन महिनामा १२ अर्ब ७५ करोड राजस्व सङ्कलन
- यस्तो छ आजका लागि विदेशी मुद्राको विनिमय दर
- लामिछानेलाई पोखरा ल्याइयो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया