ग्लोबल आईएमई बैंकको नौ प्रतिशत लाभांश

काठमाडौं । ग्लोबल आईएमई बैंकले नौ प्रतिशत लाभांश वितरण गर्ने घोषणा गरेको छ । बैंक सञ्चालक समितिको यही कात्र्तिक १९ गते आइतबार बसेको बैठकले उक्त अनुपातमा लाभांश वितरण गर्ने घोषणा गरेको हो ।

घोषित लाभांशमध्येमा आठ प्रतिशत नगद लाभांश र एक प्रतिशत बोनस सेयर रहेको छ । लाभांश वितरणसम्बन्धी सञ्चालक समितिको बैठकले गरेको उक्त निर्णय नेपाल राष्ट्र बैंकको स्वीकृति एवम् बैंकको आगामी वार्षिक साधारणसभाबाट पारित भएपछि मात्र कार्यान्वयनमा आउने छ ।