चाङ्गानद्वारा थाइल्याण्डमा कार प्लान्ट स्थापना

काठमाडौं । चाङ्गानले थाइल्याण्डमा आफ्नो पहिलो कार प्लान्टको शिलान्यास गरेको छ । कम्पनीको लगभग ६०० एकडमा फैलिएको यो नयाँ प्लाण्टबाट, रंग, इन्जिन असेम्बल, असेम्बल र ब्याट्री असेम्बल तथा अन्य कामहरू हुने बताइएको छ ।

कम्पनीका अनुसार यो उद्योगले २०२५ मा मात्रै पहिलो चरणमा कार उत्पादन गर्न सुरु गर्नेछ । यसले वार्षिक एक लाख युनिट कार उत्पादन गर्ने लक्ष्य लिएको कम्पनीले जनाएको छ । दोस्रो चरणमा ५६३ मिलियन डलरको कुल लगानीका साथ प्लान्टको क्षमता प्रतिवर्ष दुई लाख युनिटमा पुग्ने बताइएको छ । यसले एसियन बजार र विश्वव्यापी दायाँ–हात ड्राइभ बजार दुवैलाई सेवा प्रदान गर्ने बताइएको छ ।

कम्पनीका अनुसार थाइल्याण्ड लामो समयदेखि यसको औद्योगिक शृङ्खला र भौगोलिक फाइदाहरूका कारण दक्षिणपूर्वी एसियामा प्रमुख अटोमोबाइल उत्पादनको आधार भएको छ । थाइल्याण्डमा चाङ्गानको लगानी सन् २०३० सम्ममा दक्षिणपूर्वी एसियाली राज्यमा उत्पादित ३० प्रतिशत सवारी साधनलाई विद्युतीय सवारी साधनमा परिणत गर्ने थाई सरकारको लक्ष्यलाई थप मजबुत बनाउने बताइएको छ ।

थाइल्याण्डमा चाङ्गानको पहिलो कार प्लान्टको रूपमा भित्रिएको लगानीले क्षेत्रीय र विश्वव्यापी ईभी उत्पादन हब बन्न थाइल्याण्डको क्षमता र तत्परतालाई प्रतिविम्बित गर्ने कम्पनीको दाबी छ । नेपालमा, चाङ्गानका लागि आधिकारिक वितरक एमएडब्लु भ्रिद्धी अटोकर्प हो । २०२४ को पहिलो त्रैमासिक, एमएडब्लु एस सेभेन र एसएल ०३ २०२४ पहिलो त्रैमासिकमा सार्वजनिक गर्ने योजना रहेको जनाएको छ ।