कोकिनसहित दोहा हुँदै काठमाडौं आएकी भारतीय एक महिला पक्राउ

काठमाडौं । अवैध लागूऔषध कोकिन एक किलो नौ सय ७३ ग्रामसहित भारतीय नागरिक ३२ वर्षीया किमरोसाङगीलाई प्रहरीले पक्राउ गरेको छ । हिमालय एयरलाइन्सबाट दोहा हुँदै काठमाडौं आएकी उनलाई काठमाडौं महानगरपालिका–९ त्रिभुवन अन्तर्राष्ट्रिय विमानस्थलको आगमन कक्षमा प्रहरीले जाँच गर्ने क्रममा आइतबार पक्राउ गरेको हो ।

सुटकेसमा फल्स बटम बनाएर लुकाई ल्याउँदै गरेको उक्त कोकिनसहित उनी पक्राउ परेकी हुन् । उनी उपर लागूऔषध नियन्त्रण ऐन, २०३३ बमोजिम जिल्ला अदालत काठमाडौंबाट म्याद थप गरी आवश्यक अनुसन्धान भइरहेको प्रहरीले जनाएको छ ।