मिर्मिरे लघुवित्त नोक्सानीमा

काठमाडौं । मिर्मिरे लघुवित्त वित्तीय संस्था झण्डै चार करोड खुद नोक्सानीमा देखिएको छ । संस्थाले चालू आर्थिक वर्षको पहिलो त्रैमासिक अवधिमा तीन करोड ९९ लाख ६७ हजार १९ रुपैयाँ खुद नोक्सानी व्यहोरेको छ । गत आवको सोही अवधिमा भने संस्थाले दुई करोड ८२ लाख ६४ हजार छ सय ३६ रुपैयाँ खुद मुनाफा कमाएको थियो ।

हाल चुक्ता पुँजी ६५ करोड ३३ लाख ८२ हजार छ सय २८ रुपैयाँ रहेको संस्थाले चालू आर्थिक वर्षको पहिलो त्रैमासिक अवधिमा दुई अर्ब ५७ करोड ९८ लाख ८९ हजार एक सय ६२ रुपैयाँ निक्षेप संकलन गरी सात अर्ब ९६ करोड २७ लाख ६६ हजार आठ सय ४५ रुपैयाँ कर्जा प्रवाह गरेको छ । सो अवधिमा तीन करोड ७१ लाख १५ हजार एक सय ९८ रुपैयाँ खुद ब्याज आम्दानी गरेको संस्थामा छ दशमलव ६७ प्रतिशत कर्जा निष्क्रिय रहेको छ । सो अवधिमा वितरणयोग्य नाफा छ करोड ९४ लाख ६७ हजार नौ सय ६५ रुपैयाँले ऋणात्मक रहेको संस्थाको स्प्रेडदर भने चार दशमलव १२ प्रतिशत रहेको छ ।

गत आवको सोही अवधिमा भने संस्थाले दुई अर्ब ६१ करोड ४७ लाख १० हजार ७५ रुपैयाँ निक्षेप संकलन गरी आठ अर्ब तीन करोड ७० लाख ४८ हजार तीन सय ४१ रुपैयाँ कर्जा प्रवाह गरेको थियो । उक्त अवधिमा १२ करोड ६१ लाख ६१ हजार छ सय ४६ रुपैयाँ खुद ब्याज आम्दानी गरेको संस्थाको निष्क्रिय कर्जा तीन दशमलव ४७ प्रतिशत रहेको थियो भने स्प्रेडदर तीन दशमलव ७१ प्रतिशत रहेको थियो ।