नेपाल एसबीआई मर्चेन्टको साधारणसभा

काठमाडौं । नेपाल एसबीआई मर्चेन्ट बैंकिङ लिमिटेडको आठांै वार्षिक साधारणसभा सम्पन्न भएको छ । मंगलबार नेपाल एसबीआई बैंक लिमिटेडको प्रधान कार्यालय, कमलादी, काठमाडौंमा वार्षिक साधारणसभा सम्पन्न गरेको जानकारी कम्पनीले दिएको छ ।

सभाले कम्पनीको आव २०७९/८० को सञ्चालक समितिको प्रतिवेदन, वार्षिक आर्थिक विवरण (असार मसान्त २०८० को वासलात, आव २०७९/८० को नाफा नोक्सान हिसाबलगायत वार्षिक आर्थिक विवरणसँग सम्बन्धित अनुसूचीहरू समेत) पारित गरेको कम्पनीले जानकारी दिएको छ । सभाले कम्पनीमा रिक्त रहेको स्वतन्त्र सञ्चालक पदमा नन्दन हरि शर्मालाई चार वर्षका लागि नियुक्त गरेको छ ।

यसबाहेक सभाले आव २०८०/८१ को कम्पनीको लेखापरीक्षण गर्नका लागि एपी एन्ड एसोसियट्स, चाटर्ड एकाउन्टेन्टलाई लेखापरीक्षकमा नियुक्ति एवम् निजको पारिश्रमिक अनुमोदनसमेत गरेको कम्पनीले जानकारी दिएको छ ।