बारा, पर्सा र बाँकेमा आगलागीबाट विभिन्न धनमाल जलेर नष्ट

काठमाडौं । बारा, पर्सा र बाँकेस्थित व्यापार व्यवसायसँग सम्बन्धित घर, गाडीमा आगलागी हुँदा विभिन्न धनमाल जेलेर नष्ट भएको छ । प्रहरीका अनुसार ती ठाउँका गोठ, गाडीलगायतमा मंगलबार आगलागी हुँदा धनमाल जेलेर लाखौँको क्षति भएको हो ।

बारास्थित महागढीमाई नगरपालिका–५ नगरदाहा टोल बस्ने भुलवान पाशवानको गोठ र सिरावान पाशवानको गोठमा मंगलबार दिउँसो आगलागी हुँदा उक्त आगो फैलिएर सोही ठाउँ बस्ने उमेश सराफ सुनारको घरसमेत गरी पाँच जनाको घरमा आगलागी हुँदा करिब दुई लाख रूपैयाँ बराबरको धनमाल जलेर नष्ट भएको छ ।

पर्सास्थित पकहा मौनपुर गाउँपालिका–१ धोरेस्थित जगरनाथ साह सोनारको क्यान्टिनमा मंगलबार साँझ आगलागी हुँदा खुद्रा सामानहरु पूर्णरूपमा जलेर करिब एक लाख रूपैयाँ बराबरको धनमाल नष्ट भएको छ ।

त्यस्तै, बाँकेस्थित नेपालगंज उपमहानगरपालिका–१८ कारकाँदो गाउँस्थित सडकमा पार्किङ गरिराखेको सोही उपमहानगरपालिका–१८ बस्ने चित्र बहादुर हमालको ना.१ क ४२११ नम्बरको जेसिबीमा मंगलबार राति आगलागी हुँदा जेसीबीको सम्पूर्ण प्लास्टिकको भाग जलेर नष्ट भएको छ । सो आगलागीबाट भएको क्षतिको विवरण भने हाल खुलेको छैन् ।

प्रहरीले स्थानीय बासिन्दा र दमकलको सहयोगमा आगलागी नियन्त्रणमा लिनुको साथै सबै घटनासम्बन्धमा आवश्यक अनुसन्धान गरिरहेको जनाएको छ ।